મુંબઈ : ન્યૂકમરથી બોલિવૂડમાં એસ્ટાબ્લિશ થવા સુધી શ્રીલંકન બ્યૂટી જેક્લિન ફર્નાન્ડિઝની કરિઅર ખૂબ એક્સાઇટિંગ રહી છે. તેણે હિટ ફિલ્મ્સની સાથે ફ્લોપ ફિલ્મ્સનો પણ સામનો કરવો પડ્યો છે. આ બ્યૂટી ક્વીન કહે છે કે, ‘બોલિવૂડ મારી જિંદગી છે, અહીં ફાળવેલો મારો સમય, અહીં જે લોકોને મળી, દસ વર્ષમાં હું ખૂબ શીખી છું. હું મહત્વની બાબતો શીખી છું. હવે હું કહી શકું કે, મેં એને એન્જોય કરવાનું શરૂ કર્યું છે.’આ એક્ટરે વધુ કહ્યું હતું કે, ‘છેલ્લાં કેટલાંક વર્ષો ખૂબ જ ઇન્ટેન્સ રહ્યા છે અને હવે હું મારી રીતે ઉકેલ શોધવાની કોશિશ કરી રહી છું. બોલિવૂડ એક્ટર હોવું એટલે શું એ સમજી રહી છું.’
તે વધુ કહે છે કે, ‘આપણે એ ભૂલી જઇએ છીએ કે, આ ખૂબ જ કમ્પિટિટિવ બિઝનેસ છે અને અનેક ફેક્ટર્સને ધ્યાનમાં રાખીને કાસ્ટિંગ કરવામાં આવે છે. લોકો એ સમજતા નથી. ઇન્ડસ્ટ્રીમાં દસ વર્ષ રહેવાથી હું સમજી છું કે, અનેક ફેક્ટર્સને ધ્યાનમાં રાખવામાં આવે છે.’જેક્લિન મોટા ભાગે કોમર્શિયલ ફિલ્મ્સ જ કરી રહી છે. શું તેને ટાઇપકાસ્ટ થઈ જવાનો ડર છે? એના વિશે તે કહે છે કે, ‘હું ડરવામાં માનતી નથી. જો હું કોઇક વાતે ડરું તો એમ જ થાય. જો ના ડરું તો એમ ના જ થાય.’
