વડોદરા : વડોદરા શહેરમાં કોરોના વાઈરસના વધુ ૮ પોઝિટિવ કેસ નોંધાયા છે. વડોદરામાં અત્યાર સુધીમાં કોરોના વાઈરસ પોઝિટિવની સંખ્યા ૧૩૨ ઉપર પહોંચી ગઇ છે. આજે નોંધાયેલા ૮ કેસ પૈકી રેડ ઝોન નાગરવાડામાં ૪, સલાડવાડામાં ૧, નવાપુરામાં ૧, વાડીમાં ૧ અને ડભોઇમાં એક પોઝિટિવ કેસ નોંધાયો છે.
વડોદરામાં જે રીતે કોરોના પોઝિટિવ કેસની સંખ્યા વધી રહી છે, તેની ગંભીરતાને ધ્યાનમાં રાખીને નાગરવાડા સહિત મચ્છીપીઠ, કારેલીબાગ પોલીસ સ્ટેશનથી ગાંધી નગરગૃહથી અમદાવાદી પોળથી ખત્રી પોળથી સયાજી હોસ્પિટલના રાઉન્ડ વિસ્તારમાં મોટી માત્રામાં લોકોના સેમ્પલ લઇને કોરોના ટેસ્ટ કરવાની સૂચના આપવામાં આવી છે. આજથી આ વિસ્તારોમાં માસ સેમ્પલિંગની કામગીરી હાથ ધરવામાં આવશે. કારેલીબાગના આનંદનગરના સત્યમ એપાર્ટમેન્ટમાં ૫ પોઝિટિવ કેસ આવ્યા બાદ ચારે તરફથી પતરા મારી દીધા છે. બીજી તરફ આ હાલતમાં શાકભાજીવાળાઓએ તો ચાર દિવસથી આ તરફથી મોં જ ફેરવી લીધુ છે અને દૂધના સાંસા પડી ગયા છે. સફાઇ કરવા કોઇ ફરકતુ નથી.
વડોદરામાં આજે નોંધાયેલા કોરોના વાઈરસ પોઝિટિવ દર્દીઓના નામ…
-નફિસબાનુ નૂરખાન પઠાણ (ઉ.૫૮), સૈયદપુરા નાગરવાડા
-ભૂપેન્દ્ર પુનમભાઇ રાજપૂત (ઉ. ૩૦), માળી મોહલ્લો, વાડી
-નિલોફર યુસુફખાન પઠાણ (ઉ.૪૫), મુસ્લિમ બોર્ડિગ પાછળ, નાગરવાડા
-રાજેન્દ્ર મોહનિસ (ઉ.૩૫), ડભોઇ
-હિતેશ બંસીલાલ પટણી (ઉ.૫૨), આમલી ફળીયા, નાગરવાડા
-સમાબેગમ ઇરફાનઅલી સૈયદ (ઉ.૪૮), સૈયદપુરા, નાગરવાડા
-સવેર્ણાબેન માર્વેકલ (ઉ.૪૭), વાણિકલ પાયા, સલાટવાડા
-હરીશભાઇ સદાશિવ જાધવ (ઉ.૫૨), શિંદે ચાલ, કેવડાબાગ, નવાપુરા
