Charotar Sandesh
ધર્મ

વિક્રમ સંવત ૨૦૭૬નું સંપૂર્ણ વાર્ષિક ભવિષ્યફળ : જાણો તમારી માટે આવનારા 12 મહિના કેટલા ફળદાયી રહેશે..?

આજથી શરૂ થતું નવું વિક્રમ સંવત 2076નું વર્ષ તમારા માટે નવી આશાઓ, નવાં સપનાઓ, નવી સફળતા, સુખ-સમૃદ્ધિ લાવનારું અને તમામ મનોકામનાઓ પૂર્ણ કરનારું નીવડે તેવી શુભકામનાઓ. આ નવું વર્ષ તમારા માટે કેવું રહેશે, સ્વાસ્થ્ય, વ્યવસાય, નોકરી, પારિવારિક, આર્થિક વગેરે દ્રષ્ટિએ નવું વર્ષ તમારું કેવું રહેશે તેના વિશે અમે અહીં જણાવીશું. 2076 આવતા કારતક મહિના એટલો આસો વદ, 14 નવેમ્બર 2020ના રોજ પૂર્ણ થશે. જાણો તમારી માટે આવનારા 12 મહિના કેટલા ફળદાયી રહેશે..?

  • મેષ (અ.લ.ઇ.)
    જગમગાતી દિવાળી મેષ રાશિના જાતકો માટે પોતાના ખોબામાં ખુશીઓ ભરી લાવશે. આખું વર્ષ વ્યસ્તતા અને ભાગદોડની સાથે આનંદ અને હર્ષ લાવશે. આ દિવાળી પર આર્થિક લાભની સાથે સુખદ ઘટના નથી તમારા મુખ પર હાસ્ય રહેશે. કોઈ સારા સમાચાર તમને ખૂબ જ ખુશ બનાવી શકે છે. મેષ રાશિના જાતકોનું સ્વાસ્થ્ય જીવન અસ્થિર રહી શકે છે. આ વર્ષમાં તમને મિશ્રિત પરિણામ મળશે. જોકે પોતાના સ્વાસ્થ્ય પ્રત્યે તમે સજાગ રહેશો એટલા માટે વર્ષની શરૂઆતમાં સ્વાસ્થ્યનો લાભ મળશે. આ દરમિયાન નાના-મોટા તણાવને છોડી દેવામાં આવે તો તમારુ સ્વાસ્થ્ય તંદુરસ્ત રહેશે. આ વર્ષે તમને કેરિયરમાં સામાન્ય પરિણામો મળશે. તમે પોતાના ઉત્કૃષ્ઠ પ્રયાસોથી સફળતા પ્રાપ્ત કરશો. તમને પોતાની નોકરી માં બઢતી મળી જવાની સંભાવના છે. કેરિયરને આગળ વધારવામાં તમને નસીબનો ભરપૂર સાથ મળશે.
    વર્ષની શરૂઆતમાં જ તમે પોતાના કાર્યમાં ખૂબ જ મહેનત કરશો જેનું તમને આગળ જઈને સારું પરિણામ મળશે. આર્થિક પરિસ્થિતિમાં તમને ઉતાર-ચઢાવ જોવા મળશે. વર્ષની શરૂઆતમાં તમારી આર્થિક સ્થિતિ ખૂબ જ મજબૂત રહેશે પરંતુ આ સમયે તમારા ખર્ચામાં પણ વૃદ્ધિ થશે. અચાનક અનાવશ્યક ખર્ચાઓની સંખ્યામાં પણ વધારો થશે. જો તેના પર કંટ્રોલ કરવામાં નહીં આવે તો તમને આર્થિક સંકટની તરફ ધકેલી દેશે. વર્ષના મધ્ય ભાગમાં તમારો વેપાર ખૂબ જ ઝડપથી આગળ વધશે, જેના લીધે તમને આર્થિક લાભ થશે. પ્રેમ જીવનમાં કોઈ ખાસ બદલાવ નહીં આવે. તમારા સંબંધોને જાળવી રાખવા માટે તમારે પ્રેમમાં પારદર્શિતા લાવવી પડશે.
  • વૃષભ (બ.વ.ઉ.)
    વૃષભ રાશિના જાતકોને આ વર્ષે તેમનું સ્વાસ્થ્ય જીવન થોડું નબળું રહેશે. એટલા માટે આ વર્ષે તમારે તમારા સ્વાસ્થ્ય પ્રત્યે થોડું વધારે ગંભીર રહેવાની આવશ્યકતા છે. પોતાના ખાનપાન પર વિશેષ ધ્યાન આપવું. સ્વાસ્થ્ય ભોજન જ ગ્રહણ કરવું. ભવિષ્ય કથન અનુસાર આ વર્ષે તમને કોઈ દીર્ઘકાલી રોગ થઈ શકે છે. આ વર્ષની શરૂઆતના સમયમાં તમારે કરિયરમાં મુશ્કેલ પરિસ્થિતિઓનો સામનો કરવો પડી શકે છે. કેરિયરમાં ઉતાર-ચઢાવ ની પરિસ્થિતિ આવશે અને સારા પરિણામો મેળવવા માટે તમારે સખત મહેનત કરવી પડશે.
    જો કે આ વર્ષે તમે પોતાના કરિયરને લઈને વધારે ગંભીર ન જણાવશો અને પોતાના કરિયરમાં સફળતા પ્રાપ્ત કરવા માટે તનતોડ મહેનત કરશો. આર્થિક જીવન સામાન્યથી થોડું વધારે સારું રહેશે. તમારી આર્થિક સ્થિતિમાં તો સુધારો આવશે પરંતુ ખર્ચામાં પણ વૃદ્ધિ થશે. જો તમે ખોટા ખર્ચા પર રોક નહિ લગાવો તો આર્થિક સ્થિતિ ગબડી શકે છે. વળી આ વર્ષે તમારી આવકમાં વૃદ્ધિ થશે. આવકના નવા સ્રોતો નું સર્જન થશે. એપ્રિલના મધ્યભાગથી મે મહિનાના મધ્ય ભાગ સુધી આર્થિક સ્થિતિ મજબૂત થશે અને જૂન મહિનામાં પણ આ પરિસ્થિતિ જળવાઈ રહેશે.
  • મિથુન (ક.છ.ઘ.)
    મિથુન રાશિના જાતકોને આ વર્ષે સારા સ્વાસ્થ્યનો લાભ મળશે. જોકે ક્યારેક નાની-મોટી સ્વાસ્થ્ય સંબંધી પરેશાનીઓનો સામનો કરવો પડશે. પરંતુ વર્ષના પ્રારંભમાં તમારે પોતાના સ્વાસ્થ્યને લઈને થોડું સાવધાન રહેવું પડશે. આ સમયમાં તમને ચામડી સંબંધી પરેશાનીઓનો સામનો કરવો પડી શકે છે. આ વર્ષ તમારા કરિયર માટે સામાન્ય રહેવાનો સંકેત આપે છે. જોકે એ તમે સખત મહેનત કરો છો તો આ વર્ષ તમારા કરિયર માટે સારું સાબિત થઈ શકે છે. તમારે પોતાના કામમાં સંપૂર્ણ રીતે ધ્યાન કેન્દ્રિત કરવું પડશે.
    કરિયરમાં આગળ વધવા માટે તમારે નવા નવા વિચારોનું સર્જન કરવું પડશે. વરિષ્ટ કર્મચારીઓની સલાહ પણ તમને કામ લાગશે. આ વર્ષે તમને આર્થિક જીવન માં કોઇ મોટી ઉપલબ્ધી પ્રાપ્ત થશે. આર્થિક લાભના યોગ બની રહ્યા છે. વેપારમાં નવા નવા વિડીયા તમારા આર્થિક લાભને વધારવામાં મદદ કરશે. આ વર્ષે તમે ધન એકત્રિત કરવામાં સફળ રહેશો. જોકે વેપારના વિસ્તાર માટે તમારે ઘરથી દૂર જવું પડશે. તમને આર્થિક જીવન માં કોઇ મોટી ઉપલબ્ધિ પ્રાપ્ત થશે. વેપારમાં નવા નવા વિચારો તમને આર્થિક લાભ અપાવવામાં મદદ કરશે.
  • કર્ક (ડ.હ.)
    કર્ક રાશિના જાતકોને આર્થિક બાબતો અને કરિયર માટે આ વર્ષ શાનદાર રહેવાનું છે. જોકે સ્વાસ્થ્યને લઈને સાવધાન રહેવાની જરૂર પડશે. કારણ કે આ વર્ષે તમારા સ્વાસ્થ્યમાં ઉતાર ચડાવ જોવા મળશે. વળી જો તમારા કરિયર વિશે વાત કરવામાં આવે તો નોકરી કરતા જાતકોને બઢતી મળી શકે છે. વર્ષના મધ્ય ભાગમાં તમને નોકરી તથા વ્યવસાયમાં શુભ સમાચારની પ્રાપ્તિ થઇ શકે છે. વળી માર્ચ મહિના બાદ તમે કોઈ નવા વ્યવસાયની શરૂઆત કરી શકો છો અથવા તો તમે જે વ્યવસાય કરી રહ્યા છો તેનો વિસ્તાર કરી શકો છો. આ વર્ષે તમારી આર્થિક સ્થિતિ ખૂબ જ સારી રહેવાની છે. કારણ કે આ વર્ષે ધન લાભના ઘણા યોગ બની રહ્યા છે.
    માર્ચ, એપ્રિલ અને મે મહિનો ધન સંબંધિત બાબતો માટે શાનદાર રહેવાનો છે. આ દરમિયાન આવક વધવાથી અને ધનલાભ થવાથી તમારી આર્થિક સ્થિતિ મજબૂત થશે અને સામાજિક પ્રતિષ્ઠામાં પણ વધારો થશે. ધન લાભ થવાની સાથોસાથ આ વર્ષે તમને ધન હાનિ પણ થઈ શકે છે. એટલા માટે ફેબ્રુઆરી થી લઈને માર્ચના શરૂઆતના સપ્તાહ સુધી ધન તથા રોકાણ સંબંધિત યોજનાઓ સમજી વિચારીને બનાવવી.
  • સિંહ (મ.ટ.)
    આ રાશિના જાતકો માટે આ વર્ષ સ્વાસ્થ્ય સંબંધિત ખૂબ જ સારું રહેશે. વર્ષની શરૂઆતના મહિનાઓમાં તમને સામાન્ય તાવ શરદીની ફરિયાદ રહી શકે છે. તમને શારીરિક થાક તથા ઉર્જાની કમી મહેસુસ થશે. જોકે ફેબ્રુઆરીના મધ્યભાગથી તમને સ્વાસ્થ્યનો લાભ મળશે. કરિયરમાં સફળતા પ્રાપ્ત કરવા માટે તમે સતત મહેનત કરશો. કરિયરમાં તમને સફળ પરિણામો મળશે, પરંતુ આ પરિણામોથી તમે સંતુષ્ટ નહીં દેખાવો. કાર્યક્ષેત્રમાં તમને પોતાનો પરિશ્રમ એક નવી ઓળખાણ અપાવશે. તમને નવી જગ્યાએ નોકરી કરવાનો પણ અવસર પ્રાપ્ત થશે. વર્ષની શરૂઆતમાં તમને કરિયર ક્ષેત્રમાં ખૂબ જ સારા પરિણામો મળશે.
    આ વર્ષે તમારે આર્થિક જીવનમાં નાની-મોટી પરીક્ષાનો સામનો કરવો પડશે પરંતુ તેમ છતાં પણ તમને ખૂબ જ સારા પરિણામો મળશે. તમારી આર્થિક પરિસ્થિતિ આ વર્ષમાં ખૂબ જ મજબૂત થશે. વર્ષના મધ્ય ભાગમાં એટલે કે ફેબ્રુઆરી, માર્ચ અને એપ્રિલમાં તમને ધન હાનિ થઇ શકે છે. આ વર્ષે તમારું પ્રેમ જીવન પરીક્ષા ઓથી ઘેરાયેલું રહેશે એટલા માટે આ વર્ષે વધારે સાવધાન રહેવાની આવશ્યકતા છે. લવ પાર્ટનર સાથે કોઈ બાબતને લઈને મતભેદ થઈ શકે છે અથવા કોઈ ગેરસમજને કારણે સંબંધોમાં તિરાડ પડવાની સંભાવના છે.
  • કન્યા (પ.ઠ.ણ.)
    કન્યા રાશિના લોકો માટે આ વર્ષે તમારા સ્વાસ્થ્ય જીવનમાં ઉતાર-ચઢાવની પરિસ્થિતિઓ નજર આવશે. આ વર્ષે તમને સ્વાસ્થ્ય સંબંધિત મિશ્રિત પરિણામ મળશે. જેમ કે તમને સ્વાસ્થ્ય લાભની સાથે સાથે તમારી તંદુરસ્તીમાં પણ કમી જોવા મળી શકે છે. તમને કરિયરમાં એવરેજ પરિણામો પ્રાપ્ત થશે. આ ક્ષેત્રમાં ઘણા એવા અવસર આવશે જેમાં તમારે નિરાશ થવું પડી શકે છે. વળી ઘણા અવસરો એવા પણ પ્રાપ્ત થશે જેમાં તમને સફળતાનો સ્વાદ મળશે. તમારી કુશળ સંવાદશૈલીના માધ્યમથી તમે તમારા કરિયરમાં સફળતા પ્રાપ્ત કરશો. તમારું આર્થિક જીવન સામાન્યથી થોડું વધારે સારું રહેશે અને વર્ષની શરૂઆતથી જ તમને તેનો આભાસ થવા લાગશે.
    જાન્યુઆરી, ફેબ્રુઆરી અને માર્ચમાં અલગ-અલગ સ્ત્રોતોથી આવક પ્રાપ્ત થશે, પરંતુ આ સમયમાં તમારા ખર્ચામાં પણ વૃદ્ધિ થવાની સંભાવના છે. જો કે પરિસ્થિતિઓ છતાં પણ તમારા કાબૂમાં રહેશે. આ વર્ષ તમારા પ્રેમ જીવન માટે સામાન્ય રહેશે. જેમાં તમને ઉતાર-ચઢાવ બંને જોવા મળશે. પ્રેમ જીવન માટે વર્ષની શરૂઆત સામાન્ય રહેશે. આ સમયમાં તમારે પ્રેમ જીવનમાં મુશ્કેલીઓનો સામનો કરવો પડી શકે છે. નોકરી તથા વ્યવસાયના કારણે તમારે ઘરથી દૂર જવું પડી શકે છે.
  • તુલા (ર.ત.)
    દિવાળીનું નવું વર્ષ તમારા સ્વાસ્થ્ય માટે ખૂબ જ સારું રહેશે. આ વર્ષે તમને સ્વાસ્થ્ય લાભ પણ મળશે સાથોસાથ જૂની બીમારીઓમાંથી પણ છુટકારો મળશે. તમને આ વર્ષે કરિયરમાં ખૂબ જ સારા પરિણામો મળશે. માર્ચ મહિના બાદ તમને નવા વિચારો સફળ પરિણામો પ્રાપ્ત કરાવશે. આ સમયમાં તમને કાર્યક્ષેત્રમાં ખૂબ જ સારા પરિણામો મળશે. સહકર્મચારીઓનો સહયોગ પ્રાપ્ત થશે પરંતુ જેટલી તમે આશા રાખેલી હશે તેટલો પ્રાપ્ત નહીં થાય, એટલા માટે તેમને ભરોસા પર ક્યારેય રહેવું નહીં. આર્થિક ક્ષેત્રમાં તમને તમારી આશા કરતા પણ વધારે સારા પરિણામ મળશે. આ ક્ષેત્રમાં નસીબ પણ તમારો સાથ આપશે અને આર્થિક સ્થિતિ મજબૂત બનાવવા માટે ઘણા અવસર પ્રાપ્ત થશે.
    આ વર્ષે કોઈ સાથે નવા સંબંધો બનાવવાની શરૂઆત થઇ શકે છે. લવ પાર્ટનર સાથે તમારો સંબંધ ખૂબ જ સારો રહેશે. તેમની સાથે તમે કોઈ પ્રવાસ પર જઈ શકો છો. મનોરંજન માટે પણ તમે બંને કોઈ જગ્યાએ ફરવા માટે જઈ શકો છો. જોકે ઘણી પરિસ્થિતિઓ એવી પણ આવશે જેમાં તમને નિરાશા મળશે. ઘરના વાતાવરણથી તમે આનંદિત રહેશો. વર્ષના મધ્ય ભાગમાં કોઈ મોટા સારા સમાચાર આવી શકે છે. આ સમયમાં ઘરમાં કોઈ માંગલિક કાર્ય થઈ શકે છે.
  • વૃશ્ચિક (ન.ય.)
    આ રાશિના જાતકોના સ્વાસ્થ્ય જીવન પર નજર નાખવામાં આવે તો આ વર્ષે તમારે સ્વાસ્થ્ય સંબંધિત બાબતોમાં થોડું સતર્ક રહેવાની જરૂર છે. તમે પોતાની તંદુરસ્તીની સમસ્યાથી પરેશાન રહી શકો છો. જો તમારી તબિયત ખરાબ થાય છે તો કોઈ પણ પ્રકારની લાપરવાહી ન રાખવી. પોતાના રોગની તાત્કાલિક સારવાર કરાવવી. ફેબ્રુઆરી અને માર્ચ મહિનો તમારા સ્વાસ્થ્ય માટે થોડો નબળો રહી શકે છે. વળી કરિયર પર નજર નાખવામાં આવે તો તેમાં તમને ખૂબ જ સારા પરિણામો પ્રાપ્ત થશે. તમને પોતાના કાર્યમાં સફળતા મળશે અને તમારી સામે ઘણા સુવર્ણ અવસર આવશે. કોઈ સારી કંપની માંથી તમને નોકરીનો પ્રસ્તાવ મળી શકે છે.
    કરીઅરને લઈને વિદેશ જવાની સંભાવનાઓ પણ રહેલી છે. આર્થિક જીવન માટે તે સામાન્ય રહેશે. જેમાં તમને ઉતાર-ચઢાવ જોવા મળી શકે છે. તમારા ખર્ચા અને આવકમાં અંતર જોવા મળશે, એટલા માટે આર્થિક જીવન માં ખર્ચ અને આવક માં સમતોલન બનાવીને ચાલો. વળી પ્રેમ જીવન માટે આ વર્ષ ઉત્તમ રહેશે. લવ પાર્ટનર સાથે સારો સમય પસાર કરી શકશો અને સંબંધોમાં મજબૂતી આવશે.
  • ધન (ભ.ફ.ધ.ઢ.)
    આ રાશિના જાતકો નું રાશિફળ જણાવે છે કે આ વર્ષની શરૂઆતમાં તમને સ્વાસ્થ્ય સંબંધી પરેશાનીઓ રહી શકે છે. યાત્રા દરમિયાન તમને થાક મહેસુસ થઇ શકે છે. આ વર્ષે સાવધાનીથી વાહન ચલાવવું. કરિયરની દ્રષ્ટિએ આ વર્ષ સામાન્ય પરિણામો લઈને આવશે. આ વર્ષે તમને પોતાના કરિયરમાં ઉતાર ચઢાવ નો સામનો કરવો પડી શકે છે. તમને પોતાની મહેનતનું પરિણામ મળશે. આ સમયે તમને નોકરીમાં પ્રમોશન મળી શકે છે અથવા તો પગારમાં વધારો થઇ શકે છે. વળી આર્થિક ક્ષેત્રમાં પરિસ્થિતિઓ તમારે અનુકૂળ રહેશે. વિભિન્ન સ્ત્રોતોથી તમને આર્થિક મદદ મળશે.
    વારસાઈ સંપત્તિમાં વૃદ્ધિ થશે. તમારા પરિવારના સભ્યો તમારા આર્થિક પક્ષને મજબૂત બનાવવામાં તમારી મદદ કરશે. જો તમે કોઈ વેપાર અથવા વ્યવસાય કરો છો તેમાં તમને આર્થિક ફાયદો થશે. તમે પ્રેમ જીવનને લઈને આ વર્ષે થોડા વધારે ગંભીર રહેશો. જો પાર્ટનર સાથે કોઈ વિવાદ થાય છે તો તેવી વાતને આગળ ન વધારવા પરંતુ તેની વાતચીતથી તેનું સમાધાન કરવું. માતા-પિતાને સ્વાસ્થ્ય સંબંધી નાની મોટી તકલીફ થઈ શકે છે.
  • મકર (ખ.જ.)
    આ રાશિના જાતકો માટે આ વર્ષ સારું રહેશે. જોકે સ્વાસ્થ્ય સંબંધી કારણોથી તમને થોડી પરેશાનીઓનો સામનો કરવો પડી શકે છે. પરંતુ વર્ષના શરૂઆતમાં તમારું સ્વાસ્થ્ય સારું રહેશે. આ સમયમાં તમે પોતાને ઉર્જાથી ભરપૂર મહેસૂસ કરશો પરંતુ વર્ષના મધ્ય ભાગમાં તમારે સ્વાસ્થ્ય સંબંધિત સમસ્યાઓનો સામનો કરવો પડી શકે છે. આર્થિક જીવન સામાન્ય રહેશે. આ વર્ષે તમારા ખર્ચાઓમાં વધારો થવાની સંભાવના છે જ્યારે આવકની બાબતમાં વૃદ્ધિ થવાની સંભાવનાઓ ઓછી રહેલી છે. જો કે તમને આંતરરાષ્ટ્રીય સંબંધો થી આર્થિક નફો થવાની પ્રબળ સંભાવનાઓ છે.
    જો તમે નોકરી કરો છો તો તમને પ્રમોશન અથવા કંપની તરફથી પ્રોત્સાહન પ્રાપ્ત થશે. ઓક્ટોબર મહિનામાં તમને ઘણી ખુશ ખબરી એકસાથે મળશે. વેપારમાં તમારી પ્રગતિ થશે. તમે આ વર્ષે પ્રેમ જીવનને ખૂબ જ આનંદપૂર્વક પસાર કરી શકશો. તમારો પ્રેમ જીવન રોમાંચક રહેશે. જો તમે પોતાના લવ પાર્ટનરને લાઈફ પાર્ટનર બનાવવા ઇચ્છો છો તો તમારી આ ઈચ્છા આ વર્ષે પૂરી થઈ શકે છે.
  • કુંભ (ગ.શ.સ.ષ)
    રાશિફળ અનુસાર આ વર્ષ તમારા સ્વાસ્થ્ય જીવન માટે સારું રહેશે. આ વર્ષે તમે નીરોગી રહેશો અને પોતાને વધારે ઉર્જાવાન મહેસૂસ કરશો. તમારી અંદર જોશ, ઉત્સાહ અને ગજબની સ્ફૂર્તિ જોવા મળશે. આ વર્ષે તમારા કરિયરને નવી ઊંચાઈઓ પ્રાપ્ત થશે. તમને પોતાના કાર્યક્ષેત્રમાં સફળતા મળશે. તમારા નિર્ણય કરિયરને પણ સુવર્ણ બનાવવામાં મદદ કરશે. તમે પોતાના સારા નિર્ણયોથી પોતાના માટે સારા અવસરોનું નિર્માણ કરશો. તમારું આર્થિક જીવન ખૂબ જ સારું રહે છે. આ વર્ષે તમને આર્થિક લાભના યોગ છે. તમારી પાસે ધન આવશે જેના લીધે તમારી આર્થિક પરિસ્થિતિ મજબૂત થશે.
    આ વર્ષે તમે ધનને એકઠું કરવામાં સફળ રહેશો. માર્ચ મહિના બાદ તમારી આર્થિક સ્થિતિમાં સુધારો થવા લાગશે. આવક ને લઈને તમારી પાસે ઘણા સ્ત્રોત હશે અને તમે આર્થિક સ્થિતિને લઈને ખુશ દેખાશો. આ વર્ષે તમારો પ્રેમ જીવન સામાન્યથી થોડું વધારે સારું રહેશે. વર્ષની શરૂઆત થોડી ધીમી રહેશે. માર્ચ મહિના સુધી તમને પ્રેમ જીવનમાં થોડા ઉતાર-ચઢાવ નો સામનો કરવો પડી શકે છે. પરંતુ આ સમયમાં પોતાના પ્રેમ પર ભરોસો રાખવો અને પાર્ટનર નો વિશ્વાસ ન તોડવો.
  • મીન (દ.ચ.ઝ.થ.)
    દિવાળીના આ વર્ષમાં તમારું સ્વાસ્થ્ય સારું રહેશે પરંતુ તેમ છતાં પણ તમારે સ્વાસ્થ્ય પ્રત્યે ગંભીર રહેવું પડશે. પોતાને તંદુરસ્ત રાખવા માટે તમે યોગ, વ્યાયામ, જીમ અને રનિંગ વગેરે કરી શકો છો. તમારી દિનચર્યાને થોડી તંદુરસ્ત બનાવો. સવારના સમયે વહેલા ઊઠી જવું અને રાત્રે વહેલા સૂઈ જવું. સારા સ્વાસ્થ્ય માટે પૂરતી ઊંઘ કરવી. મનને સ્થિર રાખવા માટે તમે ધ્યાન પણ કરી શકો છો. જો તમે માનસિક અને શારીરિક રૂપથી સ્વસ્થ રહો છો તો આ વર્ષ તમારું કરિયર સફળતાની ઊંચાઈઓ ને પણ પ્રાપ્ત કરી શકે છે. કાર્યક્ષેત્રમાં તમને નવી ઓળખાણ મળશે. તમારી છબી એક પરિશ્રમી, મહેનતુ અને ઈમાનદાર કર્મચારીની બનશે.
    તમને આર્થિક પરિસ્થિતિઓનો સામનો કરવો પડી શકે છે, એટલા માટે આ વર્ષે આર્થિક પક્ષને લઈને થોડું સાવધાન રહેવું. જોખમ ભરેલા પગલા ભરતા પહેલા તેના પર વિચાર કરવો, તમને ધન હાનિ પણ થઈ શકે છે. આ વર્ષે તમે પોતાના પ્રેમ જીવનને લઈને થોડા ભ્રમની સ્થિતિમાં રહી શકો છો. પોતાના સંબંધોને લઈને તમારા મનમાં કોઇ પ્રકારની શંકા રહેશે. પાર્ટનર સાથે કોઈ વાતને લઈને મતભેદ થઈ શકે છે.
  • Jagdish Ravani, Anand – Mo. 97143 93908

Related posts

મંદિરમાં શા માટે લગાવવામાં આવે છે ઘંટડી, તેની પાછળ ધાર્મિકની સાથે વૈજ્ઞાનિક કારણ પણ છે…

Charotar Sandesh

શ્રાદ્ધ પક્ષ : પરિવારની ઉન્નતિ માટે પિતૃઓને સંતૃપ્ત કરી આશીર્વાદ મેળવવાનો અવસર…

Charotar Sandesh

Devotional : अति दुर्लभ वेदव्यास विरचित मातृस्तोत्र

Charotar Sandesh