૨૯ નવેમ્બરે જાહેરનામું પ્રસિદ્ધ થશે અને ૪ ડિસેમ્બરથી ઉમેદવારી કરી શકાશે
ચૂંટણી માટે ૧૯ ડિસેમ્બરે બેલેટ પેપરથી મતદાન થશે અને ૨૧ ડિસેમ્બરના મતગણતરી કરવામાં આવશે
ગાંધીનગર : રાજ્યમાં આવતા મહિને ડીસેમ્બરમાં ગ્રામ પંચાયતોમાં ચુંટણી જંગ જામશે. ૧૦૮૭૯ ગ્રામપંચાયતોમાં આજે ચૂંટણીનું આયોજન જાહેર કરવામાં આવ્યું હતું.
આ અંગે આજે રાજ્ય ચૂંટણીપંચે જાહેરાત પણ કરી દીધી છે. આ ચૂંટણી માટે ૧૯ ડિસેમ્બરે બેલેટ પેપરથી મતદાન થશે અને ૨૧ ડિસેમ્બરના મતગણતરી કરવામાં આવશે.
આ ચૂંટણી માટે ૨૯ નવેમ્બરે જાહેરનામું પ્રસિદ્ધ થશે અને ૪ ડિસેમ્બરથી ઉમેદવારી પત્ર ભરવાની શરૂઆત થશે. આ ચૂંટણીમાં કુલ ૨ કરોડ ૬ લાખ ૫૩ હજાર મતદારો છે.
ગાંધીનગરમાં ચૂંટણીપંચ દ્વારા પત્રકાર પરિષદની યોજીને જાહેરાત કરવામાં આવી હતી. ગ્રામપંચાયતની ચૂંટણી ૧૯ ડિસેમ્બરે આયોજીત કરવામાં આવશે, જે પણ પંચાયતોમાં ચૂટણી છે ત્યાં આજથી જ આચારસંહિતા લાગુ કરી દેવાઇ છે.
Other News : હોમગાર્ડ ભરતી માટે ઉમેદવારોની શારિરીક પરીક્ષા શરૂ કરાઇ
