આણંદ-ઉમરેઠ-ભાલેજ-હાડગુડ-ગામડીમાં ઉંચા ટકાએ વ્યાજ વસુલતા આરોપીઓ સામે ફરિયાદ નોંધાઈ
રાજ્યભરમાં વ્યાજખોરીના ગોરખધંધાને અંકુશમાં લાવવા સરકાર દ્વારા ડ્રાઈવ શરૂ કરવામાં આવી છે, ત્યારે આણંદ નજીક આવેલ ગામડીમાં ઉછીના આપેલા ૧.૩૦ લાખની સામે દરરોજ ૩૦૦ રૂપિયા વ્યાજ પેટે વસુલ કરીને ચાર વર્ષના અંતે ૩.૮૪ લાખ વ્યાજ વસુલ કરીને સતામણી કરતા આ અંગે પોલિસ ફરિયાદ દાખલ થઈ છે.
પ્રાપ્ત માહિતી અનુસાર, પરીખભુવનની સેમ્યુઅલભાઈની ચાલીમાં રહેતી ફરિયાદી સાયનાબીબી શરીફમીંયા મલેકે લાયસન્સ વગર વ્યાજે પૈસા આપવાનો ધંધો કરતા તાહેરાબીબી પીરમહંમદભાઈ મલેક (રે.નવાપુરા, ગામડી)પાસેથી ૧.૩૦ લાખ રૂપિયા ઉછીના લીઘા હતા. જે પેટે દર મહિને ૮ હજાર વ્યાજ આપતા હતા.ત્યારબાદ દરરોજ ૩૦૦ રૂપિયા લેખે ગેરકાયદેસર વ્યાજની વસુલી કરવાનું ચાલુ કરતા સાયનાબીબી આપી શક્યા નહોતા જેથી તેણીની સતામણી શરૂ કરી દીધી હતી અને બળજબરીપુર્વક વ્યાજના પૈસાની વસુલી કરી, મુડી જેમની તેમ રાખીને મહિને ૩.૮૪ લાખ રૂપિયા વ્યાજ વસુલ કર્યું હતુ.
આ અંગે તેણીએ આણંદ શહેર પોલીસ મથકે આવીને પોતાની ફરિયાદ આપતાં પોલીસે ગુનો દાખલ કરીને તપાસ હાથ ઘરી છે.
Other News : પતંગ રસિયાઓ માટે આનંદના સમાચાર : ઉત્તરાયણના દિવસે પવનને લઈ કરાઈ આગાહી, જુઓ
