આણંદ : બોરસદ ચોકડી ખાતે આવેલ રાષ્ટ્રીય ધોરી માર્ગ નં.૬૪ (દાંડી માર્ગ) પર બોરસદ ચોકડી પાસે રેલ્વે L.C. No. 3X ઓવરબ્રીજ બનાવવાની કામગીરી પ્રગતિ હેઠળ હોઇ ગણેશ ચોકડીથી સોજિત્રા તરફ જતો રસ્તો બંધ કરવો જરૂરી હોઇ આણંદના અધિક જિલ્લા મેજિસ્ટ્રેટ શ્રી પી. સી. ઠાકોરએ ગુજરાત પોલીસ અધિનિયમ-૧૯૫૧ની કલમ-૩૩(૧)(બી)થી મળેલ સત્તાની રૂઇએ તા. ૨૮/૯/૨૧થી અમલમાં આવે તે રીતે તા. ૨૯/૧૨/૨૦૨૧ સુધી ગણેશ ચોકડીથી સોજિત્રા તરફ જતા રસ્તા પરથી પસાર થતાં વાહનોની અવર-જવર પર પ્રતિબંધ ફરમાવેલ છે.
તા. ૨૯/૧૨/૨૦૨૧ સુધી ગણેશ ચોકડીથી સોજિત્રા તરફ જતા રસ્તા પરથી પસાર થતાં વાહનોની અવર-જવર પર પ્રતિબંધ ફરમાવેલ છે
આ માર્ગ પરથી પસાર થતા વાહનો માટે વૈકલ્પિક રૂટ આપવામાં આવેલ છે તે મુજબ ગણેશ ચોકડીથી સોજિત્રા તરફ જતા ડાબી બાજુએ આવેલ એન.ડી.ડી.બી. જવાના રોડથી વેટરનરી કોલેજ પાસેથી નીકળીને ચોકડી થઇને બોરસદ તરફ જતા રસ્તા પર થઇને સેન્ટ્રલ વેર હાઉસની સામે બાજુએ જતા રસ્તેથી પસાર થઇને ઉમા ભવન થઇને સોજિત્રા/તારાપુર તરફ જઇ શકશે, વડોદરા તરફથી આવતા વાહનો ગણેશ ચોકડી થઇને આણંદ શહેરમાં પ્રવેશી શકશે.
સોજિત્રા-તારાપુર તરફથી આવતા વાહનો ઉમાભવન થઇને સેન્ટ્રલ વેર હાઉસથી બોરસદ રોડ થઇને વેટરનરી કોલેજ પાસેથી નીકળીને એન.ડી.ડી.બી. જવાના રસ્તે થઇને ગણેશ ચોકડી તરફ જઇ શકાશે જયારે સોજિત્રા-તારાપુર તરફથી આવતા વાહનો રેલ્વે ફાટક નં. ૪(અમીન ઓટો) તરફથી આણંદ શહેરમાં પ્રવેશી શકશે. આ હુકમનો ભંગ કરનાર વ્યકિત શિક્ષાને પાત્ર થશે.
