આણંદ : ઉનાળાની સિઝનમાં કેટલાક વીજધારકો લાઈટબીલ બચાવવા ફ્રીજ, એસી, કૂલર સહિતના ગેરકાયદે જોડાણો કરી વીજચોરીનો રસ્તો અપનાવતા હોય છે, ત્યારે હવે એમજીવીસીએલની વિજિલન્સની ટીમોએ આણંદ સહિત ગ્રામ્ય વિસ્તારોમાં સપાટો બોલાવ્યો છે અને વધુ ૩૩ સ્થળેથી વીજચોરી કરતાં ધારકોને ઝડપી પાડ્યા છે.
વિજિલન્સની ટીમે કુલ ૩૨૮૯૦ યુનિટની વિજચોરી કરનારા લોકોને ૫.૩૩ લાખનો દંડ ફટકાર્યો છે
ગ્રામ્ય વિસ્તારોમાં ખેતર ઉપયોગિ વીજ મીટરો, રહેણાંક વિસ્તારના મીટરો મળી કુલ ૧૮૮ જેટલા વીજ મીટરો ચેક કરવામાં આવ્યા છે. વીજીલન્સની ટીમે દરોડા પાડતા વીજચોરોમાં દોડધામ મચી જવા પામી હતી. વિજતંત્રએ અધિનિયમ કાયદા મુજબ ૫.૩૩ લાખનો દંડ વસૂલી વધુ તપાસ હાથ ધરી છે.
Other News : આણંદ-વડોદરામાં આ તારિખે વરસાદની આગાહી : ૨૪ કલાકમાં પ તાલુકામાં ભારે પવન સાથે નોંધાયો વરસાદ