અમદાવાદ : કોંગ્રેસમાંથી પક્ષપલ્ટો કરીને ભાજપમાં જોડાઇને વિધાનસભાની ટિકીટ મેળવનારા અલ્પેશ ઠાકોર અને ધવલસિંહ ઝાલા સામે વધુ એક રીટ હાઇકોર્ટમાં કરાઇ છે. જેમાં આગામી ૨૧મી ઓક્ટોબરના રોજ યોજાનારી વિધાનસભાની પેટા ચૂંટણી લડતા રોકવા માટે હાઇકોર્ટમાં દાદ મંગાઇ છે. તેના પર આગામી દિવસોમાં સુનાવણી હાથ ધરવામાં આવે તેવી શક્યતા છે.
અરજદારે કરેલી રીટ અરજીમાં એવી રજૂઆત કરી છે કે, આ બંને ધારાસભ્યોએ તેમના મતદારો સાથે વિશ્વાસઘાત કર્યો હોવાથી તેમને ચુંટણી લડવા દેવા જોઇએ નહીં.
એટલું જ નહીં પરંતુ આ બંને વિરુધ્ધ હાઇકોર્ટમાં થયેલી રીટમાં વિધાનસભા અધ્યક્ષ બંને જણાં સામે થયેલી અરજીઓ અંગે નિર્ણય લેશે તેવી બાહેંધરી અપાઇ છે. ત્યારે જયાં સુધી વિધાનસભાના અધ્યક્ષ બંનેને યોગ્ય કે અયોગ્ય ઠેરવવા અંગેના કોઇ નિર્ણય ના કરે ત્યાં સુધી તેમને ચુંટણી લડવાની કોઇ સત્તા નથી.
અલ્પેશ-ધવલસિંહને ચુંટણી ન લડવા દેવાની હાઈકોર્ટમાં રીટ…
