નહેર નાળાની નજીક ખુલ્લી જગ્યામાં દારૂનો નાશ કરાયો…
આણંદ જિલ્લાના વિવિધ વિસ્તારોમાંથી જુદા જુદા ગુના હેઠળ પકડાયેલા વિદેશી દારૂના મોટા જથ્થાનો આણંદના પ્રાંતઅધિકારીશ્રી એન.કે. મુચ્છાર , ઉમરેઠના નાયબ કલેક્ટરશ્રી કલ્પેશ ઉનડકટ તેમજ નાયબ પોલીસ અધિક્ષકશ્રી બી.ડી. જાડેજા અને અન્ય પોલીસ કર્મીઓની હાજરીમાં આજે રોલર ફેરવીને નાશ કરવામાં આવ્યો હતો.
વધુ વિગતોમાં તંત્ર દ્વારા જણાવાયુ હતુ કે આણંદ તેમજ ઉમરેઠ ડિવીઝન માંથી વિવિધ પોલીસ સ્ટેશનના વિદેશી દારૂમાં આણંદ રૂરલ રૂ.૩,૧૭,૭૫૪, આણંદ વિધાનગર રૂ. ૭,૦૪,૬૪૭, વાસદ રૂ.૫૫,૯૩,૬૭૦, ખંભોળજ રૂ. ૨૫,૦૦૦, ઉમરેઠ રૂ. ૩,૫૯,૨૯૦ અને ભાલેજ માંથી રૂ. ૧,૬૧,૭૦૦ આમ કુલ ૭૧.૬૨ લાખની રકમના વિવિધ ગુના હેઠળ નોંધાયલા વિદેશી દારૂના જથ્થાનો રોલર ફેરવીને નાશ કરવામાં આવ્યો છે.
