૨૦૨૦ની પહેલી મેચ ભારત ૫ જાન્યુઆરીના રોજ શ્રીલંકાની સામે રમશે…
ન્યુ દિલ્હી : ભારતીય ક્રિકેટ ટીમ માટે ૨૦૧૯ સૌથી શ્રેષ્ઠ સાબિત થયું છે. ભારતીય ટીમે આ વર્ષે સૌથી વધુ વનડે મેચમાં જીત મેળવી છે. ટેસ્ટ ક્રિકેટમાં તે અજેય રહી અને ટી૨૦માં ટેસ્ટ ટીમોમાં સૌથી વધુ જીત મેળવી છે. હવે ૨૦૨૦ શરૂ થઈ ચૂક્યું છે. આ વર્ષે ભારતીય ટીમનો કાર્યક્રમ એકદમ બિઝી છે. તેની પહેલી ઝલક જાન્યુઆરીમાં જ જોવા મળે છે. ભારતીય ટીમ આ મહિનામાં ત્રણ ટીમોની સામે કુલ ૧૦ મેચ રમશે.
ભારતીય ટીમ ૨૦૨૦ની પહેલી મેચ ૫ જાન્યુઆરીના રોજ શ્રીલંકાની સામે રમશે. આ મેચ ગુવાહાટીમાં ખેલાશે. તેના બાદ ભારત અને શ્રીલંકાની ટીમ ૭ જાન્યુઆરીના રોજ ઈન્દોરમાં અને ૧૦ જાન્યુઆરીના રોજ પૂણેમાં ટકરાશે.
ભારતીય ક્રિકેટ ટીમનો કાર્યક્રમ આમ તો વર્ષોથી વ્યસ્ત રહ્યો છે. પરંતુ એવુ ઓછું જ થયું છે કે, એક મહિનામાં ત્રણ અલગ અલગ દેશોની સાથે સીરીઝ રમાશે. જોકે, આ વર્ષે આવું થવા જઈ રહ્યું છે.
શ્રીલંકા બાદ ભારતીય ટીમ ઓસ્ટ્રેલિયા સામે ત્રણ મેચ વનડે સીરીઝ રમશે. આ સીરિઝ માટે ઓસ્ટ્રેલિયાની ટીમ ભારત આવશે. આ સીરિઝ બાદ ભારતીય ટીમ ન્યૂઝીલેન્ડ જશે. ટીમ ઈન્ડિયા ન્યૂઝીલેન્ડ મુલાકાતમાં ૫ ટી૨૦ મેચ, ૩ વનડે મેચ અને ૨ ટેસ્ટ મેચ રમશે. આ સીરિઝની પહેલી ચાર મેચ જાન્યુઆરીમાં રમાશે.
ભારતીય ક્રિકેટ ટીમનો જાન્યુઆરીનો કાર્યક્રમ…
૫ જાન્યુઆરી : ભારત-શ્રીલંકા, પહેલી ટી૨૦ (ગુવાહાટી)
૭ જાન્યુઆરી : ભારત-શ્રીલંકા, બીજી ટી૨૦ (ઈન્દોર)
૧૦ જાન્યુઆરી : ભારત-શ્રીલંકા, ત્રીજી ટી૨૦ (પૂણે)
૧૪ જાન્યુઆરી : ભારત-ઓસ્ટ્રેલિયા, પહેલી વનડે (મુંબઈ)
૧૭ જાન્યુઆરી : ભારત-ઓસ્ટ્રેલિયા, બીજી વનડે (રાજકોટ)
૧૯ જાન્યુઆરી : ભારત-ઓસ્ટ્રેલિયા, ત્રીજી વનડે(બેંગલુરુ)
૨૪ જાન્યુઆરી : ભારત-ન્યૂઝીલેન્ડ, પહેલી ટી૨૦ (ઓકલેન્ડ)
૬ જાન્યુઆરી : ભારત-ન્યૂઝીલેન્ડ, બીજી ટી ૨૦ (ઓકલેન્ડ)
૨૯ જાન્યુઆરી : ભારત-ન્યૂઝીલેન્ડ, ત્રીજી ટી૨૦ (હેમિલ્ટન)
૩૧ જાન્યુઆરી : ભારત-ન્યૂઝીલેન્ડ, ચોથી ટી૨૦ (વેલિંગ્ટન)
