લાખાણી તાલુકાના સેકરાથી ધુણસોલ ગામ વચ્ચે ટ્રેક્ટર ચાલકે રોંગ સાઈડમાં આવતા બાઈકને ઉલાળ્યું હતું. જેમાં બાઈક પર સવાર બે પિતરાઈ ભાઈઓ પૈકી એકનું ઘટનાસ્થળે મોત થતાં ખાનગી વાહનમાં પોસ્ટમોર્ટમ માટે મૃતદેહ ખસેડાયો હતો. જ્યારે બીજા પિતરાઈનું ડીસા હોÂસ્પટલ ખસેડાયો હતો પરંતુ ગંભીર ઈજાને પગલે તેનું મોત નિપજ્યું હતું.
મહેશ તેજાભાઈ ઠાકોર અને મુકેશજી જેઠાજી ઠાકોર બંને પિતરાઈ વહેલી સવારે ઉંબરી ગામે મરણપ્રસંગે ગયા હતા. બંને જણ ડિસ્કવર બાઈક જીજે ૦૧પીએલ૦૦૪૫માં પરત ફરતાં હતા. ત્યારે સેકરા ગામની સીમમાં જીજે૦૮ડી૪૫૫૭ નંબરના સોનાલિકા ટ્રક્ટરે બાઈકને અડફેટે લીધું હતું.
મૃતક મહેશના મોટા ભાઈ પરબત ઠાકોરે અકસ્માત સર્જનાર ટ્રેક્ટર ચાલક સામે ફરિયાદ નોંધાવી હતી.
ટ્રેક્ટરે રોંગ સાઈડમાં આવતા બાઈકને અડફેટે લેતા બેનાં મોત
