ખેડા-આણંદ સહિત સમગ્ર ચરોતરમાં થોડા સમય અગાઉ તાપની સાથે ઠંડા પવનો અને વાદળછાયા માહોલના કારણે તાપમાનનો પારો ખાસ્સો નીચો સરકયો હતો. પરંતુ ગતરોજથી પુન: ગરમીએ માથું ઊંચકયુ હોવાનો આકરો અનુભવ થઇ રહ્યો છે. જેમાં આજે તાપમાનનો પારો ૩૯એ પહોંચ્યો હતો. જયારે લઘુતમ તાપમાન ર૬ સે.ગ્રે. અને ભેજનું પ્રમાણ ૭૧ ટકા હતું. ભેજના કારણે ઉકળાટ અને ૬.૪ પ્ર.કલાકની ઝડપે ફૂંકાતા ગરમ પવનોના કારણે કામસર બહાર નીકળનારાઓને આકરી લૂનો અનુભવ થયો હતો. હવામાનની આગાહીનુસાર ર૦મી મે બાદ ગરમીનો પારો વધુ આકરો બનવાની સંભાવના છે.
ચરોતરમાં ગરમીએ ફરી માથું ઊચક્યું : પારો ૪૦ ડિગ્રી નજીક
