ઇન્દોર : મધ્યપ્રદેશ ક્રિકેટ ઓર્ગેનાઇઝેશન (એમપીસીએ)એ ભારત અને શ્રીલંકા વચ્ચે ઈન્દોરમાં ૭ જાન્યુઆરી ૨૦૨૦એ રમાનારી આગામી ટી-૨૦ આંતરરાષ્ટ્રીય મેચ માટે ટિકિટ રેટ જાહેર કર્યા છે. બંને દેશોની ટી-૨૦ શ્રેણીની આ બીજી મેચની ટિકિટ માટે દર્શકોએ ૫૦૦ રૂપિયા ખર્ચ કરવા પડશે.
એમપીસીએના એક અધિકારીએ જણાવ્યું હતું કે, હોલકર સ્ટેડિયમ ખાતે આયોજિત આ ટી-૨૦ આંતરરાષ્ટ્રીય મેચ જોવા જવા ઇચ્છતા દર્શકોને સામાન્ય કેટેગરીની જુદી જુદી ગેલેરીઓમાં દરેક ટિકિટ માટે ૫૦૦થી ૪,૯૨૦ રૂપિયા ચુકવવા પડશે.
આ સ્ટેડિયમની ક્ષમતા લગભગ ૨૭,૦૦૦ દર્શકોની છે. અધિકારીએ જણાવ્યું છે કે, ટિકિટનું ઓનલાઇન વેચાણ બુધવારે એટલે કે આજે સવારે ૬ વાગ્યથી શરૂ થઈ ગયું છે. ભારતીય ટીમ આગામી ૫ જાન્યુઆરીથી શ્રીલંકા સામે ત્રણ ટી-૨૦ આંતરરાષ્ટ્રીય મેચની શ્રેણી રમશે. આ મેચ અનુક્રમે ગુવાહાટી, ઇન્દોર અને પુણેમાં રમાવાની છે.
ભારત-શ્રીલંકા ટી-૨૦ મેચ માટે ટિકિટનો ભાવ ફક્ત ૫૦૦ રૂપિયા..!!
