આણંદ : આણંદ તાલુકાના લાંભવેલ ગામે બસ સ્ટેન્ડ પાસે બેંક ઓફ બરોડાની શાખાનુ એટીએમ આવેલું છે. ગત શુક્રવારે મોડી રાત્રિના આ એટીએમના મશીનનો નીચેનો દરવાજો તોડી ચોરી કરવાનો પ્રયાસ કર્યો હતો. આ બનાવ અંગે બેંક ઓફ બરોડા શાખાના લાંભવેલના બ્રાન્ચ મેનેજર જયેશકુમાર ચંદ્રકાંતભાઈ રોહિતે (મુળ રહે.અમદાવાદ હાલ રહે આણંદ) ફરિયાદ નોંધાવી હતી.
જે સંદર્ભે પોલીસે બાતમીદારો તેમજ સીસીટીવી ફૂટેજની તપાસ હાથ ધરી હતી. જેમાં પોલીસની તપાસમાં રાવળાપુરાના બે શખ્સ રાજેશ ઈમાનુએલ ક્રિશ્યન અને શંકર ઢોળા રાઠોડ હોવાનું ખૂલ્યું હતું. જેને પગલે પોલીસે બંને શખ્સની રાવળાપુરાથી ધરપકડ કરી હતી. બંને શખ્સો અગાઉ પણ ચોરીના ગુનામાં સંડોવાયેલા હતા.
