લોકોએ ફટાકડાની ૩૭૦ની પ્રતિકૃતિ બનાવી હતી અને બાદમાં દીવાસળી ચાંપી આતશબાજી કરી
રાજકોટ,
સોમવારે દેશના વડાપ્રધાન નરેન્દ્ર મોદી સાહેબ તથા ગૃહમંત્રી અમીત શાહ દ્વારા દેશના ઐતિહાસિક નિર્ણય લેવા માટે પ્રસ્તાવ મુકવામાં આવ્યો હતો. આ પ્રસ્તાવને રાષ્ટ્રપતિ દ્વારા બહાલી મળી હતી. બહુમતીથી કાશ્મીરના સદી સમયથી સળગતા પ્રશ્ન સમાન કલમ ૩૭૦ હટાવવાનો નિર્ણય લેવાયો હતો. જેને લઇ દેશમાં ખુશીનો માહોલ જોવા મળી રહ્યો છે. આ ખુશીને વધાવવા માટે રાજકોટ શહેરના તમામ વકીલોએ ફટાકડા ફોડી જશ્ન મનાવ્યો હતો. રાજકોટના ત્રિશુલ ચોકમાં પણ લોકોએ ફટાકડા ફોડ્યા હતા.
ગોંડલમાં પણ આ નિર્ણયને વધાવ્યો છે. ગોંડલમાં લોકોએ ફટાકડાની ૩૭૦ની પ્રતિકૃતિ બનાવી હતી અને બાદમાં દીવાસળી ચાંપી આતશબાજી કરી હતી. આ તકે લોકોએ જમ્મુ કાશ્મિરને હવે આઝાદી મળી હોવાનું જણાવ્યું હતું.