ન્યુ દિલ્હી : ઓસ્ટ્રેલિયામાં આગામી વર્ષ યોજનાર ટી-૨૦ વર્લ્ડ કપ માટે ૧૬ ટીમ નક્કી થઈ ગઈ છે. ટુર્નામેન્ટ માટે આયર્લેન્ડ, નામીબિયા,નેધર્લેન્ડ, ઓમાન, પાપુઆ ન્યુ ગિની તથા સ્કોર્ટલેન્ડે ક્વોલિફાઈ કરી લીધેલ છે. આ તમામ ટીમ શ્રીલંકા-બાંગ્લાદેશ સાથે બે ગ્રુપમાં પ્રથમ રાઉન્ડની મેચ રમશે. આ પૈકી મોખરાની ચાર ટીમ સુપર-૧૨માં પહોંચશે. આ ટૂર્નામેન્ટ આગામી વર્ષ ૧૮ ઓક્ટોબરથી ૧૫મી નવેમ્બર સુધી ઓસ્ટ્રેલિયામાં રમાશે. તેમા ભારતની પ્રથમ મેચ દક્ષિણ આફ્રિકા સામે ૨૦મી ઓક્ટોબરના રોજ પર્થમાં યોજાશે.
પ્રથમ રાઉન્ડ માટે ગ્રુપ-એ માં શ્રીલંકા સાથે પાપુઆ ન્યૂ ગિની, આયર્લેન્ડ અને ઓમાન રહેશે. આ તમામ મેચ ૧૮મી થી ૨૨મી ઓક્ટોબર સુધી જિલોંગ શહેરમાં યોજાશે. નેધર્લેન્ડ, નામીબિયા અને સ્કોટલેન્ડને બાંગ્લાદેશ સાથે ગ્રુપ-બી માં રાખવામાં આવેલ છે. નેધર્લેન્ડ, નામીબિયા અને સ્કોટલેન્ડને બાંગ્લાદેશ સાથે ગ્રુપ-બીમાં રાખવામાં આવેલ છે. આ તમામ મેચ ૧૯મીથી ૨૩મી ઓક્ટોબર, ૨૦૨૦ સુધી હોબાર્ટમાં રમાશે. ટૂર્નામેન્ટનો પ્રારંભ શ્રીલંકા અને આયર્લેન્ડ વચ્ચે કાર્દિનિયા પાર્ક સ્ટેડિયમમાં રમાનાર મેચથી થશે.
પ્રથમ તબક્કા બાદ ગ્રુપ-એની મોખરાની ટીમ અને ગ્રુપ-બીની બીજા ક્રમની ટીમ પાકિસ્તાન, ઓસ્ટ્રેલિયા, ન્યુઝીલેન્ડ તથા વેસ્ટઈન્ડિઝ સાથે ગ્રુ-૧ માં સામેલ હશે. જ્યારે ગ્રુપ-બીની મોખરાની ટીમ અને ગ્રુપ-એ ની બીજા નંબરની ટીમ ભારત, ઈગ્લેન્ડ, દક્ષિણ આફ્રિકા તથા અફઘાનિસ્તાન સાથે ગ્રુપ-૨ માં રહેશે. આ તમામ વચ્ચે સુપર-૧૨ મેચ યોજાશે. બન્ને ગ્રુપની મોખરાની બે-બે ટીમ સેમીફાઈનલમાં રમશે. ટુર્નામેન્ટની ફાઈનલ ૧૫મી નવેમ્બર, ૨૦૨૦ રોજ મેલબોર્નમાં રમાશે. યજમાન ટીમ ઓસ્ટ્રેલિયા તેની પ્રથમ મેચ પાકિસ્તાન સામે સિડનીમાં ૨૪મી ઓક્ટોબર, ૨૦૨૦ રોજ રમશે.
ટી-૨૦ વિશ્વકપ ૨૦૨૦ માટે ૧૬ ટીમ નક્કી, ભારત પ્રથમ મેચ દક્ષિણ આફ્રિકા સામે રમશે…
