કાળા જાંબૂ સ્વાસ્થ્ય માટે લાભકારી હોય છે, ડાયાબિટીસના રોગીઓ માટે આ જાંબૂના બી રામબાણ ઈલાજ સાબિત થાય છે…
જી હાં જાંબૂ ખાવાથી જેટલો લાભ થાય છે તેનાથી બમણો ફાયદો કાળા જાંબૂના બી ખાવાથી થાય છે. જાંબૂના બીમાં એટલા ઔષધિય ગુણ હોય છે કે જે ડાયાબિટીસ સહિત અનેક ગંભીર બીમારીઓને દૂર કરે છે.
જાંબૂના બીને એકઠા કરી તેને તડકામાં બરાબર સુકાવી અને તેની છાલ કાઢી તેના નાના નાના ટુકડા કરી લેવા. આ ટુકડાને બરાબર પીસી અને પાવડર બનાવવો. આ પાવડરનું સેવન દર્દીએ રોજ ખાલી પેટ કરવું જોઈએ. આમ કરવાથી ડાયાબિટીસ સહિત અનેક ગંભીર બીમારી કાબૂમાં આવી જાય છે. જાંબૂના બીનો પાવડર કરી તેમાં જરૂર અનુસાર સિંધવ નમક ઉમેરી દેવું જોઈએ.
