કટક : ભારતની વન ડે ટીમનાં વાઇસ કપ્ટન અને સ્ટાર બેટ્સમેન રોહિત શર્મા વેસ્ટઈન્ડીઝની વિરુદ્ધ કટકમાં રમાનારી અંતિમ વન ડે મેચમાં એક મોટો રેકૉર્ડ પોતાના નામે કરી શકે છે. રોહિત શર્મા પોતાના સાથી ખેલાડી કેપ્ટન વિરાટ કોહલીનો સૌથી મોટો રેકૉર્ડ તોડી શકે છે. રોહિત શર્મા એક કેલેન્ડર યરમાં વિરાટ કોહલીનાં સૌથી વધારે વન ડે રનોનાં રેકોર્ડને ધ્વસ્ત કરવાની નજીક છે.
રોહિત શર્મા વેસ્ટઈન્ડીઝની વિરુદ્ધ અંતિમ વન ડેમાં ૩૪ રન બનાવતા જ વિરાટ કોહલીનાં ૨૦૧૭ કેલેન્ડર યરમાં બનાવેલા સૌથી વધારે વન ડે રનોનાં રેકૉર્ડને તોડી શકે છે. વિરાટ કોહલીએ ૨૦૧૭નાં કેલેન્ડર યરમાં ૬ સદી અને ૭ અડધી સદીની મદદથી ૧૪૬૦ વન ડે રન બનાવ્યા હતા. રોહિત શર્માએ ૨૦૧૯ કેલેન્ડર યરમાં અત્યાર સુધી ૭ સદી અને ૫ અડધી સદી ફટકારતા ૧૪૨૭ રન બનાવ્યા છે. રોહિત શર્મા ૩૪ રન બનાવતા જ કોહલીનો રેકૉર્ડ તોડી દેશે.
વેસ્ટઈન્ડીઝની વિરુદ્ધ કટક વન ડે આ વર્ષે ટીમ ઇન્ડિયાની અંતિમ વન ડે હશે. આથી કોહલી હજુ રોહિત શર્માથી ઘણો પાછળ છે. વિરાટ કોહલીએ ૨૦૧૯ કેલેન્ડર યરમાં અત્યાર સુધી ૧૨૯૨ રન બનાવ્યા છે. વિરાટ કોહલી આ વર્ષે સૌથી વધારે રન બનાવનારા ખેલાડીઓમાં ત્રીજા નંબેર છે. રોહિત શર્મા (૧૪૨૭ રન) પ્રથમ અને વેસ્ટઈન્ડીઝનો શાઈ હોપ (૧૩૦૩ રન) સાથે બીજા નંબેરે છે.