‘ધ રોક’ના નામથી લોકપ્રિય રેસલરમાંથી એક્ટર બનેલાં ડ્વેન જ્હોનસન વિશ્વનો હાઇએસ્ટ પેડ એક્ટર બન્યો છે. ફોર્બ્સ ૨૦૧૯ પ્રમાણે, ગયા વર્ષે નંબર બે પર રહેલો ડ્વેન આ વર્ષે નંબર વન પર આવ્યો છે. ગયા વર્ષે હાઇએસ્ટ પેડ એક્ટર તરીકે જ્યોર્જ ક્લૂની નંબર વન પર હતો. તો બોલિવૂડ એક્ટર અક્ષય કુમાર આ લિસ્ટમાં ચોથા નંબરે છે.
હાલમાં જ ફોર્બ્સ મેગેઝીનના વિશ્વના સૌથી વધુ કમાણી કરનાર ટોપ ૧૦ એક્ટર્સનું લિસ્ટ બહાર પાડ્યું હતું. આ લિસ્ટમાં ડ્વેન હાઇએસ્ટ પેડ એક્ટરના લિસ્ટમાં ટોચ પર છે. ‘જુમાનજી’ તથા ‘ફાસ્ટ એન્ડ ફ્યૂરિયસ’ જેવી એક્શન ફિલ્મ્સમાં કામ કર્યાં બાદ ડ્વેન ચાહકોમાં ઘણો જ લોકપ્રિય બન્યો છે. આ યાદી જૂન ૨૦૧૮થી જૂન ૨૦૧૯ સુધીની સેલેબ્સની કમાણીને આધારે તૈયાર કરવામાં આવી છે.
અક્ષય કુમાર આ યાદીમાં ચોથા સ્થાને છે. તેની કુલ કમાણી ૬૫ મિલિયન ડોલર (અંદાજે ૪૬૫ કરોડ) છે. અક્ષયે જેકી ચેન, બ્રેડલી કૂપર જેવા હિરોને કમાણીના મામલે પાછળ રાખી દીધા છે. આ લિસ્ટમાં બોલિવૂડમાંથી એક માત્ર અક્ષય કુમાર જ છે. અક્ષય કુમાર બેક ટૂ બેક હિટ ફિલ્મ્સ આપી રહ્યો છે. ઉલ્લેખનીય છે કે ગયા વર્ષે આ યાદીમાં સલમાન ખાન તથા અક્ષય કુમાર એમ બે નામ હતાં. જોકે, આ વર્ષે માત્ર અક્ષય કુમાર જ લિસ્ટમાં સામેલ છે.