ન્યુ દિલ્હી : ભારતીય ટેસ્ટ ટીમના વાઈસ કેપ્ટન અજિંક્યે રહાણે અને તેની પત્ની રાધિકાના ઘરે પારણું બંધાયું છે. રાધિકાએ શનિવારે દીકરીને જન્મ આપ્યો છે. રહાણે આ સમયે વિશાખાપટ્ટનમમાં દક્ષિણ આફ્રિકા સામે ચાલી રહેલી ટેસ્ટ મેચમાં ભારતીય ટીમમાંથી રમી રહ્યો છે. રહાણેના પૂર્વ સાથી હરભજન સિંહે ટિ્વટર પર આ અંગે જાણકારી આપતા તેને શુભેચ્છાઓ પણ પાઠવી છે.
હરભજને ટ્વીટ કરીને લખ્યું કે, ‘નવા-નવા પિતા બનેલા અજિંક્યે રહાણેને ખૂબ ખૂબ શુભેચ્છાઓ… આશા છે કે માતા અને નાનકડી પરી સ્વસ્થ હશે… જીવનનો સૌથી સુંદર તબક્કો હવે શરૂ થઈ ચૂક્યો છે.’
રહાણેએ પોતાની બાળપણની મિત્ર રાધિકા સાથે ૨૦૧૪માં જ લગ્ન કરી લીધા હતા. આ વર્ષે જુલાઈ મહિનામાં જ રાધિકા ગર્ભવતી હોવાની ખબર વહેતી થઈ હતી.
અજિંક્યે રહાણે અને પત્ની રાધિકાના ઘરે પુત્રીનાં વધામણાં…
