ભારતીય મહિલા હોકી ટીમે શનિવારે ઓલંપિક ટેસ્ટ ઈવેંટમાં વિજયી શરૂઆત કરતા પહેલી મેચમાં યજમાન ટીમ જાપાનને હરાવ્યું છે. મહિલા હોકી ટીમે જાપાન સામે ૨-૧થી જીત મેળવી છે. ભારતે પેનલ્ટી કોર્નર વિશેષજ્ઞ ગુરજીત કૌરની મદદથી નવમી મીનિટમાં જ લીડ મેળવી લીધી હતી. જે બાદ ૧૬મી મીનિટમાં જાપાનની અકી મિતસુહાસીના ગોલથી ૧-૧થી બરાબરી કરી. જો કે, ગુરજીતે ૩૫મી મીનિટમાં પેનલ્ટી કોર્નર પરથી ગોલ કરી ભારતને ૨-૧થી લીડ અપાવી. જે નિર્ણાયક સાબિત થઈ.
ભારતીય ટીમ વધારે અટેકિંગ મોડમાં જોવા મળી રહી હતી અને આ બંન્ને ટીમ છેલ્લા બે વર્ષમાં ઘણી મેચો સાથે રમી હોવાથી બંન્ને ટીમો એકબીજાની રણનીતિ સારી રીતે સમજી રહી હતી. જેથી હાફ ટાઈમ સુધી સ્કોર ૧-૧ રહ્યો. ત્રીજા ક્વાર્ટરમાં ભારતે ૩૫મી મીનિટમાં પેનલ્ટિ કોર્નર મેળવ્યો. ગુરજીતે આ તકને ગોલમાં પરિવર્તિત કરી. વધેલા સમયમાં જાપાને બરાબરી કરવાની કોશિશ કરી પરંતુ તેમાં તે સફળ રહી શક્યું નહી.
ભારતીય મહિલા હોકી ટીમે ઓલંપિક ટેસ્ટ ઈવેંટમાં જાપાનને ૨-૧થી હરાવ્યું…
