મુંબઈ : બોલિવૂડ અભિનેતા આમિર ખાનની ફિલ્મ દંગલથી પદાર્પણ કરનાર ફાતિમા સના શેખ ફિલ્મ ઉદ્યોગનું એક જાણીતું નામ છે. ફાતિમાએ તેમના કરિયરમાં અત્યાર સુધીની ઘણી ફિલ્મોમાં કામ કર્યું છે. તે અભિનય ઉપરાંત સો.મીડિયા પર પણ ખૂબ સક્રિય છે. આ દરમિયાન ફાતિમાનો એક વીડિયો ઝડપથી વાયરલ થઈ રહ્યો છે, જેના કારણે તે ચર્ચામાં આવી છે.
સો.મીડિયા પર વાયરલ થતા વીડિયોમાં ફાતિમા પાપારાઝીની સામે કહેતી જોવા મળી રહી છે કે તે બેરોજગાર છે.
ફાતિમા સના શેખનો આ વાયરલ વીડિયો રોહિત સરઈયાના ઓફિશિયલ ઇન્સ્ટાગ્રામ એકાઉન્ટ પર મૂકવામાં આવ્યો છે. આ વીડિયોમાં પાપારાઝી ફાતિમાને કહે છે, ‘તમારી ફિલ્મ ખૂબ સારી રીતે ચાલી રહી છે, અજીબ દાસ્તાન્સ.’ આના પર, ફાતિમાએ તેમની ખુશી વ્યક્ત કરી અને કહ્યું, ‘હા, તમે જોઈ છે .. કેવી લાગી?’ ફાતિમાના સવાલ પર પાપારાઝી કહે છે, “હા, તે બહુ સારી છે પ આ પછીનો બીજો કોઈ પ્રોજેક્ટ?”
ફાતિમાએ કહ્યું, ‘હવે જ્યારે કોવિડ થોડો ઓછો થઈ જશે, સમાપ્ત થઈ જશે, જેમ દરેકને કામ મળશે, ત્યારે જ મને પણ મળશે.’ અત્યારે બેરોજગાર બેઠી છું. અભિનેત્રીનો આ પ્રશ્ન લોકો માટે એકદમ આશ્ચર્યજનક છે. તે જ સમયે, તેમનો આ વીડિયો સો.મીડિયા પર ખૂબ વાયરલ થઈ રહ્યો છે. આ વીડિયો પર ચાહકોની ઘણી ટિપ્પણીઓ પણ સામે આવી રહી છે.
આ વર્ષની શરૂઆતમાં, ફાતિમા કોવિડ ૧૯ થી સંક્રમિત થઈ ગઈ હતી. તે પછી તેમણે તેને હાર પણ આપી. તે જ સમયે, આ વીડિયોમાં તમે જોઈ શકો છો કે ફાતિમ લોકોને કોવિડ ૧૯ રસી લેવાની અપીલ પણ કરી રહ્યા છે.
ફાતિમાના વર્કફ્રન્ટ વિશે વાત કરીએ તો, તેમણે આમિર ખાન સ્ટારર ફિલ્મ ’દંગલ’માં મુખ્ય કલાકાર તરીકે પ્રવેશ કર્યો હતો. આમિર ખાન અને ફાતિમા સિવાય અભિનેત્રી સાન્યા મલ્હોત્રા પણ આ ફિલ્મમાં મહત્વપૂર્ણ ભૂમિકામાં હતી. ’દંગલ’ ઉપરાંત ફાતિમાએ ફરી એક વખત આમિર સાથે ફિલ્મ ‘ઠગ્સ ઓફ હિંદુસ્તાન’માં કામ કર્યું હતું.
ફાતિમા સના શેખ લૉકડાઉનમાં છે બેરોજગાર, વીડિયો થયો વાયરલ….
