ગેંગરેપના દોષિતો માટેનો તૈયાર કરાયેલો ફાંસીનો ફંદો સમગ્ર કાનૂની દાવપેચમાં ફસાયો…!
ફરી એકવાર તારીખ પે તારીખ..તારીખ પે તારીખ..નો ફિલ્મી ડાયલોગ ગાજી રહ્યો…
ન્યુ દિલ્હી : સમગ્ર દેશ અને પિડિતા નિર્ભયાના પરિવારજનો જે ન્યાયનો ઇન્તજાર કરી રહ્યાં છે તે ચકચારી નિર્ભયા ગેંગરેપ-મર્ડર કેસના ૪ દોષિતોને ફરીએક વાર ફાંસી ટળી ગઇ છે. દિલ્હીની પતિયાલા હાઉસ કોર્ટ દ્વારા આજે સાંજે એવો આદેશ આપવામાં આવ્યો હતો કે કો્ટનો આગામી આદેશ ના થાય ત્યાં સુધી ૪ દોષિતોને હાલમાં ફાંસી નહીં થાય. આ જ કોર્ટના બીજીવારના ડેથ વોરંટ અનુસાર આવતીકાલ એક ફેબ્રુઆરીના રોજ સવારે ચારેય નરાધમોને તિહાર જેલમાં ફાંસી આપવાનો હુકમ કરાયો હતો. જો કે દોષિતો દ્વારા પતિયાલાહાઉસ કોર્ટમાં ફરીથી દાદ માંગવામાં આવતાં તેના પર સુનાવણી ચાલી રહી હોવાથી કોર્ટે આવતીકાલનની ફાંસી પર રોક લગાવાતા આ કેસમાં નરાધમોને હવે ખરેખર ક્યારે ફાંસીએ લટકાવાશે તે હવે ન્યાયતંત્ર અને સામાન્ય વર્ગમાં ટોક ઓફ ધી ટાઉન બની રહ્યું છે અને ફરી એકવાર તારીખ પે તારીખ..તારીખ પે તારીખ..નો ફિલ્મી ડાયલોગ ગાજી રહ્યો છે.
સુપ્રીમ કોર્ટે નિર્ભયા ગેંગરેપ-હત્યા કેસમાં એક દોષિત પવન ગુપ્તાની કિશોર વય હોવાનો દાવો કરતી અરજીને ફગાવી દીધી છે. પવને એવો દાવો કર્યો હતો કે ગુના સમયે તે સગીર હતો તેવી અરજી કરી હતી.
તે જ સમયે, દિલ્હીની પટિયાલા હાઉસ કોર્ટમાં, તિહાર જેલ પ્રશાસને કહ્યું કે નિર્ભયાના ત્રણ દોષિતોને ૧ ફેબ્રુઆરીએ ફાંસી આપવા માટે તેમની તરફથી સંપૂર્ણ તૈયારી છે. તિહાર જેલનું પ્રતિનિધિત્વ કરતા સરકારી વકીલ ઇરફાન અહમદે જણાવ્યું હતું કે માત્ર એક દોષી વિનય શર્માની દયા અરજી બાકી છે અને અન્યને ફાંસી આપી શકાય છે. તેમણે કહ્યું કે તે કોઈપણ રીતે ગેરકાયદેસર નથી. તે જ સમયે, કોર્ટે આ કેસમાં ચુકાદો અનામત રાખ્યો હતો.
નોંધનીય છે કે દોષિતો દ્વારા દાખલ કરવામાં આવેલી અરજીની સુનાવણી પટિયાલા હાઉસ કોર્ટમાં ચાલી રહી છે, જેમાં તેઓએ ૧ ફેબ્રુઆરીએ ફાંસીની સજા પર રોક લગાવવાની માંગ કરી હતી. સુનાવણી દરમિયાન સરકારી વકીલ ઇરફાન અહેમદે દોષિતોની અરજીનો વિરોધ કર્યો હતો. તેમણે કહ્યું કે દોષિતોની આ અરજી સુનાવણીને પાત્ર નથી.
આ ઉપરાંત આરોપી પવન ગુપ્તાએ શુક્રવારે સુપ્રીમ કોર્ટમાં પુનર્વિચાર અરજી દાખલ કરીને સુપ્રીમ કોર્ટના અગાઉના આદેશને સગીર હોવાનું જણાવી તેમની અરજી ફગાવી દીધી હતી.
ગુરુવારે સુપ્રીમ કોર્ટે દોષી અક્ષય કુમાર સિંહની સુધારાત્મક અરજીને ફગાવી દીધી હતી. આ પછી દોષિતોને એપી સિંહે સલાહ આપી હતી કે સુપ્રીમ કોર્ટના પાંચ ન્યાયાધીશો અથવા રાષ્ટ્રપતિ, જેમણે આ ચુકાદો આપ્યો છે તે ભગવાન નથી. એવું નથી કે તેઓ ભૂલો કરી શકતા નથી. દોષિતો એ.પી.સિંહે કહ્યું હતું કે, અક્ષયની સુધારાત્મક અરજી માટે આપવામાં આવેલા આધારોથી કોર્ટ સંમત નથી.
