મુંબઈ : દેશભરમાં કોરોનાની બીજી લહેરનાં કારણે ફિલ્મ ઉદ્યોગને ગયા વર્ષ કરતાં આ વર્ષે એટલે કે વર્ષ ૨૦૨૧ માં વધુ નુકશાન થઈ શકે છે ગયા વર્ષે કોરોના લોકડાઉનનાં કારણે ૯ મહિના સુધી સિનેમા હોલ બંધ રખાયા હતા. ગયા વર્ષે સિનેમા હોલ બંધ હોવાથી ઘણા નિર્માતાઓ અસ્તિત્વ ટકાવવા તેમની ફિલ્મો ઓટીટી પ્લેટફોર્મ પર રજુ કરવા તૈયાર થયા હતા. આ સિલસિલો અમિતાભ બચ્ચનની ફીલ્મ ગુલાબો સિતાબોથી શરૂ થયો હતો. વર્ષ ૨૦૨૦ માં ૫૦ થી વધુ ફિલ્મો સીધી ઓટીટી પ્લેટફોર્મ પર રીલીઝ થઈ હતી. આ ફિલ્મોએ સિનેમા હોલની આવક ગુમાવી હતી.
વધુમાં, ગત વર્ષે ઢગલાબંધ ઓટીટી પ્લેટફોર્મ સર્વીસીઝે ફીલ્મોનાં પ્રસારણના હકક ખરીદવા મોટી રકમ ચુકવી હતી. જોકે મોટા બજેટની ફીલ્મો સડક-૨, લક્ષ્મી, કુલી નં.૧ ને સારો રિસ્પોન્સ મળ્યો નહોતો.
