નવી દિલ્હી : જ્યાં સુધી વેક્સીન ન આવી જાય ત્યાં સુધી કોરોનાથી બચીને જીવનની ગાડીને ફરીથી પાટે ચડાવવાની રહેશે. સરકારથી લઈને ડોક્ટર સુધી આ જ સલાહ આપી રહ્યા છે. ધીરે ધીરે પણ લોકોએ હવે કોરોના વચ્ચે પોતાની દિનચર્યા શરૂ કરવાની રહેશે. કેવી રીતે કોરોનાથી બચી શકાય? હાલમાં, આપણી પાસે માત્ર સોશિયલ ડિસ્ટન્સિંગ એક માત્ર ઉપાય છે. ઘરેથી ઓફિસ અને મુસાફરી કરનારા લોકો સામાજિક અંતરને અનુસરે છે. હવે દેશની સૌથી મોટી કાર ઉત્પાદક મારુતિ સુઝુકીએ કોરોનાથી બચવા માટે કેટલાક વિશેષ ઉત્પાદનો લોન્ચ કર્યા છે. મારુતિ સુઝુકીએ જણાવ્યું હતું કે તેણે કોરોના વાયરસ દરમિયાન તેના ગ્રાહકો માટે ફેસ માસ્ક, ડિસ્પોઝેબલ શૂ કવર, ફેસ વાઇઝર્સ, ડિસ્પોઝેબલ આઇ ગિયર્સ ઓફર કર્યા અને કાર પાર્ટીશનો જેવા ઉત્પાદનો બનાવ્યા છે.
જે ગ્રાહકોને ખુબજ કામમાં આવે તેવા અને પરવડે તેવા છે. ગ્રાહકો મારુતિ સુઝુકી વેબસાઇટની મુલાકાત લઈને આ તમામ ઉત્પાદનો વિશે વધુ માહિતી મેળવી શકે છે. આ સિવાય ગ્રાહક નજીકના મારુતિ શોરૂમમાં જઈને પણ આ ઉત્પાદનો ખરીદી શકે છો. મારુતિ સુઝુકીએ તેની સત્તાવાર વેબસાઇટ પર એક નવી કેટેગરી – ‘આરોગ્ય અને સ્વચ્છતા’ સૂચિબદ્ધ કરી. છે જ્યાં તેના વિશે સંપૂર્ણ માહિતી આપવામાં આવી છે. મારુતિ સુઝુકીનું કહેવુ છે કે કાર ડિવિઝન આવશ્યકપણે આગળના અને પાછળના મુસાફરો માટે છે, જેના પરિણામે પ્રવાસ દરમિયાન સંપૂર્ણ સામાજિક અંતર આવે છે. લોકો તેને અનુસરી શકે છે. વેલ્ક્રોનો ઉપયોગ કરીને કારમાં નવી કાર પાર્ટીશનો ઇન્સ્ટોલ કરી શકાય છે.
કાર પાર્ટીશન, કારની આગળ અને પાછળની કેબિનને અલગ કરવામાં મદદ કરે છે. આ મુસાફરો વચ્ચેના સામાજિક અંતરના પ્રોટોકોલને અનુસરે છે. પાર્ટીશન મુસાફરી દરમિયાન ખાંસી અથવા છીંક આવવાને કારણે, એક બીજાના સંપર્કમાં આવશે નહીં. કારના પાર્ટીશનની કિંમત રૂ.૫૪૯થી લઈને ૬૪૯ છે જ્યારે ફેસ માસ્કની કિંમત ૧૦ રૂપિયા છે. હેન્ડ ગ્લોવ્ઝ ૨૦ રૂપિયા, ડિસ્પોઝેબલ શૂ કવર ૨૧ રૂપિયા, ફેસ વાઈઝર્સની કિંમત ૫૫ રૂપિયા અને ડિસ્પોઝેબલ આઇ ગિયર્સ ૧૦૦ રૂપિયાના છે.
