પેટલાદ : કોરોના સંક્રમણના સમયમાં જો તમે માસ્ક નથી પહેર્યું તો તમે પેટલાદ શહેરના સૌથી મોટા વિલન છો! પેટલાદ નગરપાલિકાએ માસ્ક પહેરવા અંગે જાગૃતિ લાવવા અનોખો પ્રયાસ કર્યો છે.
શહેરમાં જુદાં-જુદાં વિસ્તારોમાં હોર્ડિંગ્સ પર બોલીવુડના સૌથી મોટા વિલન મુગેમ્બો અને ગબ્બરસિંગના ફોટા મૂકીને લોકોને માસ્ક માટે ખાસ કહેવામાં આવ્યું છે.
ફિલ્મી વિલન પાત્રો જેવા કે સોલે પિક્ચરના ગબ્બર અને મીસ્ટર ઈન્ડિયાના મુગેમ્બોના પાત્રોનો સહારો લઈને જુદા જુદા પોસ્ટરો બનાવી શહેરના વિવિધ માર્ગો ઉપર મુકવામાં આવ્યા છે. પાલિકાના આ કાર્યને સૌએ બીરદાવ્યું હતું.
