મતગણતરી કેન્દ્ર ખાતે કડક સુરક્ષા ગોઠવાઇ CCTV કેમેરા દ્વારા મતગણતરી કેન્દ્ર ઉપર બાજ નજર…
સ્થાનિક સ્વરાજય – જિલ્લા – તાલુકા પંચાયતોની સામાન્ય ચૂંટણી-૨૦૨૧ તા.૨ માર્ચના રોજ મતગણતરી હાથ ધરાશે…
આણંદ : રાજ્ય ચુંટણી આયોગ દ્વારા રાજ્યમાં તાલુકા પંચાયતો, જિલ્લા પંચાયત અને નગર પાલીકાઓની સામાન્ય તથા પેટા ચૂંટણીઓ પૈકી આણંદ જિલ્લાની જિલ્લા પંચાયત, આણંદ જિલ્લામાં સમાવિષ્ટ ૮ (આઠ) તાલુકા પંચાયતો (આણંદ, બોરસદ, પેટલાદ, ઉમરેઠ, ખંભાત, તારાપુર, આંકલાવ, સોજીત્રા) તથા ૬ (છ) નગર પાલિકાઓ (આણંદ, બોરસદ, ખંભાત, પેટલાદ, ઉમરેઠ, સોજીત્રા)ની સામાન્ય ચુંટણી તેમજ કરમસદ નગર પાલિકાની વોર્ડ નં.૧ની પેટા ચુંટણી આજે રવિવારે શાંતિપૂર્વક યોજાઇ હતી. મતદાન પ્રક્રિયા પૂર્ણ થયા બાદ આણંદ જિલ્લાની જિલ્લા પંચાયત, આણંદ જિલ્લામાં સમાવિષ્ટ ૮ (આઠ) તાલુકા પંચાયતો(આણંદ, બોરસદ, પેટલાદ, ઉમરેઠ, ખંભાત, તારાપુર, આંકલાવ, સોજીત્રા) તથા ૬ (છ) નગર પાલિકાઓ (આણંદ, બોરસદ, ખંભાત, પેટલાદ, ઉમરેઠ, સોજીત્રા)ની સામાન્ય ચુંટણી તેમજ કરમસદ નગર પાલિકાની વોર્ડ નં.૧ની પેટા ચુંટણીની મતગણતરી તા.૨ માર્ચના રોજ યોજાનાર હોઇ નીચે જણાવેલ સ્થળ ખાતે મતગણતરી કેન્દ્રમાં ઉમેદવારો અને તેમના ચૂંટણી એજન્ટની હાજરીમાં સ્ટ્રોંગરૂમમાં મૂકવામાં આવ્યા છે. એમ જિલ્લા ચૂંટણી અધિકારીશ્રી આર.જી.ગોહીલે જણાવ્યું છે. મતગણતરી કેન્દ્ર ખાતે પેરામીલીટરી સહિત પોલીસનો ચૂસ્ત બંદોબસ્ત રાઉન્ડ ધી કલોક ગોઠવવામાં આવ્યો છે. એટલું જ નહીં મતગણતરી કેન્ર્દ્ર ખાતે CCTV કેમેરાથી બાજ નજર રાખવામાં આવશે. તેમ જણાવતાં જિલ્લા ચૂંટણી અધિકારીશ્રી આર.જી.ગોહીલે ઉમેર્યું કે, મતગણતરી કેન્દ્ર ખાતે ગેઝેટેડ કક્ષાના અધિકારીશ્રી રાઉન્ડ કલોક ફરજ બજાવશે.
-
અનુસુચિ–૧ (જિલ્લા પંચાયત | તાલુકા પંચાયત)
| અ.નં. | તાલુકાનું નામ | મતગણતરીનું સ્થળ |
| ૧ | આણંદ | ડી.એન.હાઈસ્કુલ, આણંદ |
| ૨ | ઉમરેઠ | સેંટ ઝેવિયર્સ સ્કૂલ (ગુજરાતી મીડીયમ), ઉમરેઠ |
| ૩ | બોરસદ | જે.ડી.આર કન્યા વિદ્યાલય તથા જે.ડી.પટેલ હાઈસ્કુલ, બોરસદ |
| ૪ | આંકલાવ | આંકલાવ હાઈસ્કુલ, આંકલાવ |
| ૫ | પેટલાદ | ન્યુ એજયુકેશન હાઈસ્કુલ (સાયન્સ) તથા પ્રાયમરી વિભાગ,મુ.પેટલાદ |
| ૬ | સોજીત્રા | એમ.એમ.હાઈસ્કુલ, સોજીત્રા |
| ૭ | ખંભાત | શ્રી એસ.ઝેડ.વાઘેલા હાઈસ્કુલ તથા શ્રી એસ.કે.વાઘેલા, ઈગ્લીશખંભાત મુ.ખંભાત |
| ૮ | તારાપુર | એફ.કે.અમીન હોલ, સાર્વજનિક હાઈસ્કુલ, તારાપુર |
- અનુસુચિ-૨ (નગ૨પાલિકા)
| અ.નં. | તાલુકાનું નામ | મતગણતરીનું સ્થળ |
| ૧ | આણંદ | સરદાર પટેલ બેન્કવેટ હોલ, ડી.ઝેડ. પટેલ હાઈસ્કુલ સામે, આણંદ |
| ૨ | ઉમરેઠ | નગરપાલિકા ટાઉન હોલ, બ્રહમાકુમારી પાસે, ઓડ બજાર પાસે, ઉમરેઠ |
| ૩ | બોરસદ | આર્ટસ કોમર્સ એન્ડ સાયન્સ કોલેજ, બોરસદ |
| ૪ | પેટલાદ | સ્વામી સચ્ચિદાનંદ પ્રાર્થના હોલ, એન.કે.હાઈસ્કુલ, પેટલાદ |
| ૫ | ખંભાત | શ્રી માધવલાલ શાહ હાઈસ્કુલ તથા શ્રી શ્રેયસ વ્યાયામ શાળા-ખંભાત |
| ૬ | સોજીત્રા | સી.બી.પટેલ ઈંગ્લીશ મીડીયમ સ્કુલ, સોજીત્રા |
| ૭ | કરમસદ | કે.જી.હોલ, સી.જે.પટેલ ઈંગ્લીશ મીડીયમ સ્કુલ, કરમસદ |
