આણંદ : હાલમાં વિશ્વભરમાં કોરોના વાયરસ COVID-19ને વર્લ્ડ હેલ્થ ઓર્ગેનાઈઝેશન દ્વારા વૈશ્વિક મહામારી જાહેર કરેલ છે. જે બાબતે ભારત સરકારશ્રી અને ગુજરાત સરકારશ્રી દ્વારા સમાયાંતરે કોરોના વાયરસ COVID-19ને ફેલાતો અટકાવવા માટે વિવિધ માર્ગદર્શિકા જાહેર કરવામાં આવેલ છે.
જે અનુસંધાને કોરોના વાયરસ COVID-19 ઝડપી સંક્રમણને ધ્યાને લેતા તકેદારીના ભાગરૂપે લોકોની વધુ અવર જવર વાળા જાહેર અને ખાનગી સ્થળોએ વાયરસને ફેલાતો અટકાવવા સારૂ આમુખ-૨ની વિગતે જાહેરનામાથી સુચનાઓ બહાર પાડવામાં આવે છે. કોરોના વાઈરસના ઝડપી સંક્રમણને ધ્યાને લેતા લોકોની સુરક્ષા બાબતે તકેદારીના પગલાંરૂપે લોકોની અવર-જવર ઉપર જિલ્લા મેજિસ્ટ્રેટ, આણંદ શ્રી આર.જી.ગોહીલે ભારતીય ફોજદારી કાર્યરીતિ અધિનિયમ-૧૯૭૩ની કલમ- ૧૪૪, ધી ગુજરાત એપેડેમીક ડિસીઝ એકટ ૧૮૯૭ની કલમ-ર અને નેશનલ ડિઝાસ્ટર મેનેજમેન્ટ એક્ટ-૨૦૦૫ની કલમ-૩૦ તથા ૩૪ હેઠળ પ્રતિબંધ ફરમાવ્યો છે.
તદ્દઅનુસાર (૧) આણંદ (ગ્રામ્ય) તાલુકા અંતર્ગત વડોદ ગ્રામ પંચાયત હદ વિસ્તારમાં આવેલ નાનો તકીયો, ડેકી પાસે (કુલ- ૧૦ મકાન)નો વિસ્તાર, અજરપુરા હદ વિસ્તારમાં આવેલ પ્રજાપતિ નિવાસ
(કુલ-૧૦ મકાન)નો વિસ્તાર, બાકરોલ નગરપાલિકા હદ વિસ્તારમાં આવેલ એ/૨૭, ત્રિવેણી લેન્ડમાર્ક
(કુલ-૧૦ મકાન), ૪૭ કલીકુંજ સોસાયટી (કુલ-૧૨ મકાન), ૧ જલાવૃંદ, તુલસી આંગણ સોસાયટી (કુલ- ૪ મકાન)નો વિસ્તાર (૨) આણંદ નગરપાલિકા અંતર્ગત આણંદ નગરપાલિકા હદ વિસ્તારમાં આવેલ રહીમા નગર
(કુલ-૧૬ મકાન)નો વિસ્તાર (૩) બોરસદ નગરપાલિકા અંતર્ગત બોરસદ નગરપાલિકા હદ વિસ્તારમાં મા ટેનામેન્ટ (કુલ-૬ મકાન), બ્રાહ્મણવાડા, છનુભાઈ વકીલનું ફળીયું (કુલ-૪ મકાન), કૃષ્ણનગર-૨ (કુલ-૧ મકાન), રબારીવાસ પાસેનો વિસ્તારના (કુલ-૬ મકાન)નો વિસ્તાર (૪) બોરસદ તાલુકા અંતર્ગત વિરસદ ગ્રામ પંચાયત હદ વિસ્તારમાં આવેલ વૃન્દાવન સોસાયટી (કુલ-૨ મકાન)નો વિસ્તાર (૫) સોજીત્રા નગરપાલિકા અંતર્ગત સોજીત્રા નગરપાલિકા હદ વિસ્તારમાં આવેલ રાણા ચોક(કુલ-૯ મકાન)નો વિસ્તાર (૬) આંકલાવ તાલુકા અંતર્ગત ખડોલ ગ્રામ પંચાયત હદ વિસ્તારમાં આવેલ વાણિયાની ખડકી (કુલ-૮ મકાન)નો વિસ્તાક, આંકલાવ નગરપાલિકા હદ વિસ્તારમાં આવેલ ગોલવાડ (કુલ-૨૨ મકાન)નો વિસ્તાર (૭) પેટલાદ તાલુકા અંતર્ગત નાર ગ્રામ પંચાયત હદ વિસ્તારમાં આવેલ બારોટ ફળીયુ (કુલ ૪ મકાન)નો વિસ્તાર (૮) ખંભાત નગરપાલિકા અંતર્ગત ખંભાત નગરપાલિકા હદ વિસ્તારમાં આવેલ દલવાડી વાડ (કુલ-૧૦ મકાન)ના વિસ્તારમાં નીચે મુજબની અમલવારી કરવાની રહેશે.
આ વિસ્તારના એન્ટ્રી અને એક્ઝીટ પોઈન્ટ પર થર્મલ સ્ક્રીનીંગ કરવાનું રહેશે, આ વિસ્તારને આવરી લેતા મુખ્ય માર્ગો પર ચૂસ્ત પોલીસ બંદોબસ્ત ગોઠવવાનો રહેશે. આ વિસ્તારમાં માત્ર આવશ્યક સેવાઓ સવારના ૭:૦૦ કલાકથી સાંજના ૭:૦૦ કલાક સુધી જ ચાલુ રાખી શકાશે.
આ હુકમ તા.૨૪/૦૭/૨૦૨૦થી અન્ય હુકમ ન થાય ત્યાં સુધી અમલમાં રહેશે. સરકારી ફરજ પરની વ્યક્તિઓ ફરજના ભાગરૂપે અવર-જવર કરી શકાશે. આ જાહેરનામાના કોઇપણ ખંડનો ભંગ કરનાર વ્યક્તિ નેશનલ ડિઝાસ્ટર મેનેજમેન્ટએક્ટની કલમ-૫૧ થી ૫૮ તથા ભારતીય દંડ સંહિતાની કલમ-૧૮૮ની જોગવાઈ મુજબ શિક્ષાને પાત્ર થશે.
આ હુકમ અન્વયે આણંદ જિલ્લામાં ફરજ બજાવતા નાયબ પોલીસ અધિક્ષકશ્રી થી પોલીસ સબ ઇન્સ્પેકટર સુધીનો હોદ્દો ઘરાવનાર તમામ અધિકારીશ્રીઓને આ જાહેરનામાનો ભંગ કરનાર ઈસમો વિરૂધ્ધ આઈ.પી.સી.કલમ-૧૮૮ મુજબ ફરીયાદ દાખલ કરવા અધિકૃત કરવામાં આવે છે.
