હાલમાં ચાલી રહેલ વૈશ્વિક મહામારી કોરોના વાયરસ (કોવિડ-૧૯) દરમ્યાન સમાજમાં જરૂરિયાતના સમયે શાકભાજી વિતરણ પ્રવૃત્તિમાં મહત્ત્વનું યોગદાન આપવા બદલ સન્માન કરવામાં આવ્યું…
વડોદરા : હાલમાં ચાલી રહેલ વૈશ્વિક મહામારી કોરોના વાયરસ (કોવિડ-૧૯) દરમ્યાન પોતાના સ્વાસ્થ્ય અને પરીવારની ચિંતા કર્યા વગર પોતાની ફરજના ભાગરૂપે સમાજમાં જરૂરિયાતના સમયે શાકભાજી વિતરણ પ્રવૃત્તિમાં મહત્ત્વનું યોગદાન આપવા બદલ આજરોજ વડોદરા તાલુકા પંચાયતના પ્રમુખ શ્રીમતી મિતલબેન સુરેશભાઈ પટેલ તેમજ કારોબારી સમિતી અધ્યક્ષ જગદીશભાઈ બેચરભાઈ ઠક્કર દ્વારા જય રણછોડ ગ્રુપના જીગ્નેશભાઈ સહિત તમામ સભ્યોનું સન્માન કરવામાં આવ્યું હતું.
મહામારીના આ સંઘર્ષમાં પ્રત્યક્ષ કે પરોક્ષ રીતે આપે રાષ્ટ્રસેવા માટે અમૂલ્ય યોગદાન આપેલ છે. ભવિષ્યમાં સમૃદ્ધ રાષ્ટ્ર નિર્માણ કાર્યમાં અવિરત સેવા મળી રહે તેવી આશા સાથે વડોદરા તાલુકા પંચાયત દ્વારા આનંદ અને ગૌરવની લાગણી સાથે ગ્રુપના તમામ સભ્યોનું સન્માન કરાયું હતું. તેમજ આપ તથા આપનો પરિવાર નિરામય અને દિર્ઘાયુ રહો તેવી શુભેચ્છા આપવામાં આવી હતી.
- Ravi Patel, Vadodara
