મુંબઈ : સુપરસ્ટાર સલમાન ખાન છેલ્લા ઘણા સમયથી મરાઠી ફિલ્મ મુલશી પેટર્નની હિન્દી રિમેકને લઈને ચર્ચામાં છે. આ ફિલ્મમાં સલમાન ખાન એક પોલીસ કર્મચારીના રોલમાં છે. આ ફિલ્મનું નામ ગન્સ ઓફ નોર્થ રાખવામાં આવ્યુ હતું પણ પછી તેને બદલીને અંતિમ રાખવામાં આવ્યું છે. આ ફિલ્મમાં સલમાન ખાન હશે કે નહીં તે અંગે ઘણા સમયથી ચર્ચા ચાલી રહી છે. હવે સમાચાર મળ્યા છે કે ટૂંક સમયમાં જ સલમાન તેનું શૂટિંગ શરૂ કરી દેશે.
સલમાન ખાન ૧૫મી નવેમ્બરથી અંતિમ ફિલ્મ માટેના શૂટિંગનો મુંબઈમાં પ્રારંભ કરશે. આ સપ્તાહે તે બે અલગ અલગ લૂકમાં ટેસ્ટ કરશે. એમ કહેવાય છે કે ડાયરેક્ટર મહેશ માંજરેકર અને સલમાન ખાન તેના પોલીસના લૂકથી સંતુષ્ટ નથી.