Charotar Sandesh
ઈન્ડિયા

’નવી સ્ક્રેપિંગ’ પોલીસી લોન્ચ : ગાડીઓની ઉંમર નહીં, ફિટનેસને આધારે સ્ક્રેપ કરાશે

સ્ક્રેપિંગ પોલિસી (Scraping-policy)
નવી કાર ખરીદવા પર ૫%ની છુટ, રજીસ્ટ્રેશન-રોડ ટેક્ષમાં પણ રાહત
દેશના માર્ગો પરથી ૧૫ થી ૨૦ વર્ષ જુના વાહનો હટાવવામાં પોલીસી મદદરૂપ બનશે, આવા વાહનો ફીટનેસ ટેસ્ટમાં ફેલ થાય કે રજીસ્ટ્રેશન સર્ટી રીન્યુ ન કરાવાય તો ૧લી જુન ૨૦૨૪થી રજી. રદ્દ થશે, દેશમાં શરૂ થશે ૪૫૦ – ૫૦૦ વ્હીકલ ફિટનેસ સેન્ટર
કેન્દ્રની નવી નીતિ ૧ ઓક્ટોબર ૨૦૨૧થી લાગુ થશે,  ભાવનગરના અલંગ ખાતે દેશનો પ્રથમ સ્ક્રેપ પ્લાન્ટ શરૂ થશે

ગાંધીનગર : કેન્દ્રની વ્હીકલ સ્ક્રેપ પૉલિસી (Vehicle-Scrape-Policy) ને આજે ગાંધીનગરના મહાત્મા મંદિર ખાતેથી પીએમ મોદીની વર્ચ્યુઅલ હાજરીમાં કેન્દ્રીય મંત્રી નીતિન ગડકરી દ્વારા જાહેર કરવામાં આવી હતી. આ દરમ્યાન પીએમ મોદી અને ગડકરી બંનેએ આ પૉલિસીના ફાયદાને લઈને વિસ્તારથી વાત કરી હતી.

વીડિયો-કોન્ફરન્સિંગથી જોડાયા બાદ પીએમ મોદીએ સ્ક્રેપિંગ પોલિસી (Scraping-policy) માં મહત્ત્વની ઘોષણા કરી હતી કે જે પણ વ્યક્તિ પોતાના જૂના વાહનને સ્ક્રેપમાં આપશે તેને સ્ક્રેપ પર એક સર્ટિફિકેટ મળશે અને આ સર્ટિફિકેટ રજૂ કરવા પર નવા વાહનની ખરીદી પર રજિસ્ટ્રેશન ચાર્જ નહીં લાગે. એટલું જ નહીં, નવા વાહનની ખરીદી પર લાગુ થતા રોડ ટેક્સમાં પણ ડિસ્કાઉન્ટ મળશે. આ પ્રસંગે મુખ્યમંત્રી વિજય રૂપાણી ઉપરાંત કેન્દ્રીય પરિવહનમંત્રી નીતિન ગડકરી ગાંધીનગર ખાતે ઉપસ્થિત રહ્યા હતા.

આ પ્રસંગે વર્ચ્યુઅલ જોડાયેલા વડાપ્રધાન મોદીએ કહ્યું હતું કે ૭૫મા સ્વતંત્રતા દિવસ પહેલાં આજનો આ કાર્યક્રમ આત્મનિર્ભર ભારતના મોટાં લક્ષ્યોને સાકાર કરવામાં એક મોટું કદમ છે. આ પોલિસી નવા ભારતની મોબોલિટી ને ઓટો સેક્ટરને નવી ઓળખ આપશે. દેશમાં આ પોલિસીને કારણે સકારાત્મક પરિણામ આવશે. સ્ક્રેપિંગ પોલિસી (Scraping-policy) સમયની માગ છે. આ પોલિસીમાં ઉદ્યોગકારોની મોટી ભૂમિકા છે. આ પોલિસી ૧૦ હજાર કરોડથી પણ વધારે રોકાણ લાવશે. આગામી ૨૫ વર્ષ દેશ માટે મહત્ત્વનાં છે. આ પોલિસી પર્યાવરણ માટે પણ જરૂરી છે. આગામી સમયમાં આપણા વ્યાપારી જીવનમાં મોટાં પરિવર્તનો આવશે.

મહત્વપૂર્ણ છે કે ગુજરાતમાં દર વર્ષે આ રીતની ઇન્વેસ્ટર સમિટનું આયોજન કરવામાં આવે છે, જેની શરૂઆત ખુદ વડાપ્રધાન નરેન્દ્ર મોદીએ જ કરી હતી. શુક્રવારે યોજાયેલા આ કાર્યક્રમમાં કુલ સાત કંપનીઓએ સરકાર સાથે એમઓયૂ સાઇન કર્યુ છે. જેમાં ૬ ગુજરાતની અને એક આસામની કંપની સામેલ છે.

Other News : ટેક્સ પેયર્સ માટે ગુડ ન્યૂઝ : આવકવેરા વિભાગ ITR માટે કપાયેલી લેટ પેમેન્ટ ફી પાછી આપશે

Related posts

વેક્સિનનો પૂરતો સ્ટોક, રેમડેસિવિરને આયાત કરવાની પરવાનગી આપો : ઉદ્ધવ ઠાકરે

Charotar Sandesh

સિપ્લા કંપનીએ વાયરસ સામે લડવા માટે રેમડેસિવિર દવાનું જેનરિક વર્ઝન રજૂ કર્યુ…

Charotar Sandesh

છેલ્લા ૨૪ કલાકમાં કોરોનાના નવા ૯,૧૨૧ કેસ, અત્યાર સુધીમાં ૮૭ લાખ લોકોએ મુકાવી રસી…

Charotar Sandesh