મુંબઈ : ભૂમિ પેડનેકર સ્ટારર ‘દુર્ગાવતી’ ફિલ્મની સ્ટારકાસ્ટને અર્શદ વારસીએ જોઈન કરી છે. શૂટિંગ માટે અર્શદ ભોપાલ પહોંચ્યો છે. ભૂમિ અને માહી ગિલનું શેડ્યુઅલ પૂરું થઇ ગયું છે. ભોપાલના ઘણા બધા વિસ્તારમાં ૪૦ દિવસ સુધી ફિલ્મનું શૂટિંગ થવાનું છે. અર્શદ આ ફિલ્મમાં વિલનના રોલમાં છે.
ભૂમિની આ ફિલ્મ ‘બાહુબલી’ ફેમ અનુષ્કા શેટ્ટીની ફિલ્મ ‘ભાગમતી’ની રિમેક છે. તે ફિલ્મ ૨૦૧૮માં ૨૬ જાન્યુઆરીના રોજ રિલીઝ થઇ હતી. ‘દુર્ગાવતી’ ફિલ્મને અક્ષય કુમાર અને ‘ટી સિરીઝ’ના ભૂષણ કુમાર સાથે મળીને પ્રેઝન્ટ કરી રહ્યા છે. અશોક ફિલ્મના ડિરેક્ટર છે અને વિક્રમ મલ્હોત્રા પ્રોડ્યૂસર છે.
