આઈપીએલ ૨૦૨૦માં સટ્ટેબાજી રોકવા બીસીસીઆઈએ સ્પોર્ટરડાર કંપની સાથે કર્યો કરાર

દુબઈ : ભારતીય ક્રિકેટ બોર્ડે ઈન્ડિયન પ્રીમિયર લીગ દરમિયાન સટ્ટેબાજી અને અન્ય ભ્રષ્ટ ગતિવિધિઓને રોકવા માટે બ્રિટેનની કંપની સ્પોર્ટરડારની સાથે કરાર કર્યા છે, જે પોતાની ધોખાધડી તપાસ પ્રણાલી મારફતે સેવાઓ આપશે. આઈપીએલની ૧૩મી સિઝન ખાલી સ્ટેડિયમમાં રમાશે અને તેવામાં અજિત સિંહની આગેવાનીવાળી બીસીસીઆઈ ભ્રષ્ટાચાર નિરોધક એકમની સામે એક અલગ પ્રકારનો પડકાર હતો કેમ કે અમુક રાજ્યસ્તરીય લીગ દરમિયાન સટ્ટેબાજીથી જોડાયેલી ધોખાધડી વધી છે
અને આ લોભામણી પ્રતિયોગિતા દરમિયાન તેના વધવાની સંભાવના છે. આઈપીએલના એક સુત્રએ કહ્યું કે, હા, બીસીસીઆઈએ આ વર્ષે આઈપીએલ માટે સ્પોર્ટરડારની સાથે કરાર કર્યો છે. તે એસીયુની સાથે મળીને કામ કરશે અને પોતાની સેવાઓ આપશે. સ્પોર્ટરડારે હાલમાં ગોવા ફૂટબોલ લીગની અડધી ડઝન મેચોને શંકાના દાયરામાં રાખી હતી. તો ફીફા, યુઈફા અને વિશ્વભરની વિભિન્ન લીગની સાથે કામ કરી ચૂકી છે. બીસીસીઆઈ એસીયુને હાલમાં તામિનાડુ પ્રીમિયર લીગ સહિત રાજ્યસ્તરીય ટી૨૦ લીગ દરમિયાન સટ્ટેબાજીની અલગ રીતની જાણ થઈ હતી.
અલગ રીતે દાવ લગાવવાને કારણે એક પ્રમુખ કંપનીએ દાવ લગાવવાનું બંધ કરી દીધું હતું. સ્પોર્ટરડારના કહેવા અનુસાર ધોખાધડી તપાસ પ્રણાલી એક વિશિષ્ટ સેવા છે, જે ખેલોમાં સટ્ટેબાજીથી સંબંધિત હેરાફેરીનો પતો લગાવે છે. આ એટલા માટે સંભવ છે કેમ કે, એફડીએસની પાસે મેચ ફિક્સિંગના ઉદ્દેશથી લગાવેલી બોલિયોને સમજવા માટેની પ્રણાલી છે.