ડાકોર : ડાકોર નગરપાલિકામાં ૨૮ સભ્યો છે જેમાંથી ૧૧ સભ્યો ભાજપના અને ૧૭ સભ્યો અપક્ષના ચૂંટાયા છે. જેમાં ગઈ ટર્મમાં ભાજપની બોડી બની હતી. પણ એ વખતે ૭ સભ્યોએ અપક્ષને વોટ આપ્યો હતો. બીજી ટમની વાત કરવામાં આવે તો આ વખતે પણ આ ૭ સભ્યોમાંથી ૩ સભ્યોએ અપક્ષને વોટ આપી અપક્ષના મહિલા પ્રમુખ ઉમેદવારને વિજય બનાવ્યા હતા.
પરંતુ આજે પહેલી ટર્મમાં ભાજપના વ્હીપનો અનાદર કરી અપક્ષને વોટ આપવા બદલ આ ૭ સભ્યોને પોતાનું સભ્યપદ ગુમાવું પડ્યું છે. મહત્વની વાત કરવામાં આવે તો આ ૭ સભ્યો પૈકી ૧ સભ્યને આ વખતે ઉપપ્રમુખનું મેન્ડેટ આપવામાં આવ્યું હતું અને આ સભ્ય બિનહરીફ ચૂંટાઈને ઉપપ્રમુખ બન્યા હતા, પણ આજે તેમને એ પદ પણ ગુમાવું પડ્યું છે.
ડાકોરના ભાજપના રાજકારણમાં ૨ જૂથ ચાલી રહ્યા હોય તેમ લાગી રહ્યું છે. પહેલું જૂથ ખેડા સંસદ દેવુસિંહનું અને બીજું જૂથ નવા પાર્ટીમાં જોડાયેલા રામસિંહ પરમારનું આ ૭ સભ્યો સસ્પેન્ટ થવા બાબતનું મૂળ કારણ રામસિંહ પરમારના જૂથમાં છે તેવું સભ્યો જણાવી રહ્યા છે.