વાવાઝોડાથી થયેલા નુકસાનની સમીક્ષા કરાઈ…
તાઉ-તેથી મૃત્યુ પામેલા લોકોના પરિવારજનને રૂ. ૨ લાખની અને ઈજાગ્રસ્તને રૂ.૫૦ હજારની મદદ…
-
મુખ્યમંત્રીની જાહેરાત:વાવાઝોડાના મૃતકોના પરિવારજનોને કેન્દ્રની રૂ.2 લાખની સહાય તો રાજ્ય સરકાર રૂ.4 લાખની મદદ કરશે, કુલ રૂ.6 લાખ મળશે
ગાંધીનગર : ગુજરાતને ૧૦૦૦ કરોડની પ્રારંભિક સહાયની જાહેરાત વડાપ્રધાન મોદી દ્વારા કરવામાં આવી છે. અમદાવાદમાં વડાપ્રધાન મોદી દ્વારા યોજાયેલ સમીક્ષા બેઠક બાદ આ નિર્ણય લેવામાં આવ્યો છે.વાવાઝોડા ’તાઉતે’ થી થયેલ નુકશાનનો સર્વે કરવા માટે કેન્દ્રની ટીમ ગુજરાત આવશે તો વાવાઝોડાના કારણે મૃતકોના પરિવારજનોને ૨ લાખની સહાય, ઇજાગ્રસ્ત થયેલ લોકોને ૫૦,૦૦૦ ની સહાય અપાશે.
રાજ્યમાં તાઉ-તે વાવાઝોડાએ વિનાશ વેર્યો છે, ત્યારે વડાપ્રધાન નરેન્દ્ર મોદી એક દિવસીય હવાઈ નિરીક્ષણ માટે આજે ગુજરાતની મુલાકાતે આવ્યા હતા. તેમણે ભાવનગરથી હેલિકોપ્ટરમાં બેસી વાવાઝોડા બાદની સ્થિતિનું નિરીક્ષણ શરૂ કર્યું હતું. ૧ કલાક ને ૫૦ મિનિટ હવાઈ નિરીક્ષણ કર્યા બાદ અમદાવાદમાં વડાપ્રધાનની મુખ્યમંત્રી વિજય રૂપાણી તેમજ રાજ્યના વરિષ્ઠ સચિવો સાથે સમીક્ષા બેઠક મળી હતી. આ બેઠકમાં મુખ્યમંત્રીના મુખ્ય અગ્ર સચિવ કે. કૈલાસનાથન, મુખ્ય સચિવ અનિલ મુકિમ, આરોગ્ય અગ્ર સચિવ જયંતી રવિ બેઠકમાં જોડાયા હતા.