મુંબઇ : ભાગ્યશ્રીએ સલમાન ખાન સાથે ફિલ્મ ‘મૈંને પ્યાર કિયા’ માં ડેબ્યૂ કર્યું હતું અને આ જોડી લોકોને ખૂબ પસંદ આવી હતી. પરંતુ ભાગ્યશ્રીએ આ ફિલ્મ પછી જ લગ્ન કર્યા અને ફિલ્મોને અલવિદા કહ્યું. પરંતુ હાલ ભાગ્યશ્રીનું એક જૂનુ ઇન્ટરવ્યૂ સોશિયલ મીડિયા પર ખૂબ જ વાયરલ થઈ રહ્યું છે જેમાં તેણે કહ્યું છે કે તેણે કેમ ફિલ્મોમાં કામ કરવાનું બંધ કર્યું.
ભાગ્યશ્રીએ તેના ૨૦૧૭ ઇન્ટરવ્યુમાં કહ્યું, ‘મારા પતિ મારા વિશે ખૂબ જ પજેસિવ છે અને તે મને કોઈ બીજા પુરુષ સાથે પડદા પર રોમાન્સ કરતા જોઈ શકતા ન હતા. પરંતુ મારા સાસરી પક્ષના લોકોને તેનાથી કોઇ સમસ્યા ન હતી. એટલું જ નહીં, ભાગ્યશ્રી અને હિમાલય સંબંધ સલમાન ખાનને સૌ પ્રથમ જાણવા મળ્યું હતું. સલમાન ખાનને આ વાતની ખબર ‘મૈને પ્યાર કિયા’ ના ‘દિલ દિવાના’ સોન્ગ વખતે ખબર પડી હતી.
તમને જણાવી દઈએ કે ‘મૈને પ્યાર કિયા’ એક આઇકોનિક ફિલ્મ છે, આ ફિલ્મથી ભાગ્યશ્રી અને સલમાન ખાને હીરો-હિરોઇન તરીકેની કારકિર્દીની શરૂઆત કરી હતી. ફિલ્મનું દિગ્દર્શન સૂરજ બરજાત્યાએ કર્યું હતું, અને પ્રેમ-સુમનના પાત્રો સિનેમા પ્રેમીઓના મગજમાં હજી તાજી છે.