નવી દિલ્હી : દેશમાં કોરોના વાયરસના કેસમાં સતત વધારો થઈ રહ્યો છે. દેશમાં દરરોજ ૨૫,૦૦૦થી વધારે કેસ સામે આવી રહ્યા છે. કોંગ્રેસના નેતા રાહુલ ગાંધી સરકાર પર આ મામલે સવાલ ઉભા કરી રહ્યા છે. રાહુલ ગાંધીએ મંગફ્રવારે ટ્વીટ કરીને કોરોનાના આંકડાને લઈને ભવિષ્યવાણી કરી છે.
રાહુલ ગાંધીએ ટ્વીટ કરીને જણાવ્યું છે કે, આ અઠવાડિયામાં આપણા દેશમાં કોરોના વાયરસના કેસની સંખ્યા ૧૦,૦૦,૦૦૦ને પાર થઈ જશે. નોંધનીય છે કે, સ્વાસ્થ્ય મંત્રાલયના આંકડા મુજબ દેશમાં કોરોનાગ્રસ્ત દર્દીઓની સંખ્યા ૯ લાખને પાર પહોંચી ગઈ છે. રાહુલ ગાંધીએ સરકારને સવાલ કર્યો છે કે, શું કોવિડ-૧૯ વિરુદ્ધની લડતમાં ભારત સારી સ્થિતિમાં છે. તેમણે ટ્વીટમાં એક ગ્રાફ પણ શેર કર્યો છે. જેમાં ભારતમાં કોરોના વાયરસના વધી રહેલા કેસની તુલના દુનિયાના અન્ય દેશની સાથે કરવામાં આવી છે.
