આણંદ : શ્રી કૃષ્ણ હોસ્પિટલ, કરમસદ ખાતે રવિવારે પણ કોવિડ રસીકરણ કેન્દ્ર કાર્યરત કરવામાં આવ્યું છે. આ રસીકરણ કેન્દ્ર એચ. એમ.પટેલ એકેડેમિક સેન્ટર ખાતે સવારે ૯ થી ૫ દરમિયાન ચાલુ દિવસો ઉપરાંત રવિવારે પણ કાર્યરત રહેશે. જેમાં ૬૦ વર્ષથી વધુ વયના અને ૪૫ વર્ષથી વધુ વયના ગંભીર બીમારી ધરાવતા વ્યક્તિઓને રસી આપવામાં આવશે. ગંભીર બીમારી ધરાવતા વ્યક્તિઓએ ડોક્ટરનું પ્રમાણપત્ર લાવવું જરૂરી છે. પુરાવા માટે આધારકાર્ડ અને પાનકાર્ડની કોપી સાથે લાવવાની રહેશે. રસીકરણ માટે વેબસાઈટ અથવા આરોગ્ય સેતુ એપ દ્વારા નોંધણી કરાવી શકાય છે. હોસ્પિટલમાં સીધા આવીને સ્પોટ રજીસ્ટ્રેશન દ્વારા પણ રસીકરણ કરવાની સુવિધા છે. ફક્ત રૂ.૨૫૦માં રસીકરણ કરાવી શકો છો.
આ રસીકરણ સેન્ટર ખાતે વેઈટિંગ એરિયા અને ઓબ્ઝર્વેશન રૂમની સુવિધા ઉપલબ્ધ છે. કુશળ તબીબી સ્ટાફ દ્વારા રસી આપવામાં આવશે. અને આડઅસર ન થાય તેનું સતત નિરિક્ષણ કરવામાં આવે છે. શ્રી કૃષ્ણ હોસ્પિટલ કોવિડની સારવાર અપાતું સંપૂર્ણ સુવિધાથી સજ્જ સેન્ટર છે.
