કોન્સ્ટેબલ સુનિતા યાદવ સુરત પોલીસ કમિશનરને મળવા પહોંચ્યા, મીડિયા સાથે વાત કરતા અટકાવાયા…
સુરત : આરોગ્ય મંત્રી કુમાર કાનાણીના પુત્ર પ્રકાશ કાનાણી અને મહિલા પોલીસ કર્મચારી વચ્ચે થયેલી રકઝકનો મામલો હાલ સોશિયલ મીડિયા પર ચર્ચાનો વિષય છે.
સોશિયલ મીડિયા પર #i_support_sunita_yadav ટ્રેન્ડિંગ પર છે. 29 હજારથી વધુ લોકો સુનિતાના સપોર્ટમાં ટ્વિટ કરી ચૂક્યા છે. અને પૂર્વ IPS DG વણઝારાએ સુનિયાની હિંમતને બિરદાવી સપોર્ટમાં ટ્વિટ કર્યું છે.
બીજીતરફ અમદાવાદમાં લોકરક્ષક સુનિતા યાદવના સમર્થનમાં મૌન પ્રદર્શન કરાયું છે. અત્રે એ પણ ઉલ્લેખનીય છે કે, મંત્રી પુત્ર પ્રકાશ કાનાણી અને તેના મિત્રો સામે ગુનો નોંધાયો હતો અને તેઓ હાલ જામીન પર છૂટી ગયા છે.
સમગ્ર ઘટના ક્રમ વચ્ચે કોન્સ્ટેબલ સુનિતા યાદવ હાલમાં જ સુરત પોલીસ કમિશનરને મળવા પહોંચ્યા છે. તેમને મીડિયા સાથે વાત કરવા પ્રયાસ કર્યો હતો. જોકે હાજર પોલીસ કર્મચારી – અધિકારીઓએ તેમને એમ કરતાં અટકાવ્યા હતા. પોલીસ સાથે ઝપાઝપી થઈ હોવાના અહેવાલ પણ મળી રહ્યા છે.