વાસદ પોલીસે કુલ રૂ. ૧૩.૭૮ લાખનો મુદ્દામાલ જપ્ત કરી એક ઈસમની ધરપકડ કરી…
આણંદ : વાસદ પોલીસે મળેલ બાતમી હકીકત આધારે ને.હા.નં. ૪૮ અડાસ હાઈવે રોડ ઉપર આવેલ સહકાર હોટલના કમ્પાઉન્ડમાંથી એક આઈસરમાં ભારતીય બનાવટનો વિદેશી દારૂનો ૮.૭૮ લાખનો જથ્થો ઝડપી પાડી એકની ધરપકડ કરવામાં આવેલ છે.
પ્રાપ્ત માહિતી અનુસાર, વાસદ પો.સ્ટે.ના આ.પો.કો. રાજેન્દ્રસિંહ ઘનશ્યામસિંહ ને બાતમી મળેલ જે આધારે વાસદના પોસઈ પી.જે. પરમાર તથા સાથેના પોલીસ માસણોએ ને.હા.નં. ૪૮ અડાસ હાઈવે રોડ ઉપર આવેલ સરકાર હોટલના કમ્પાઉન્ડમાંથી એક આઈસરમાં ભારતીય બનાવટનો વિદેશી દારૂ એપીસોડ ગોલ્ડ વિસ્કી પેટી નંગ ૧૪૮, બોટલ નંગ ૧૭૭૬ કિ.રૂ. ૭,૧૦,૪૦૦ તેમજ મેકડોવેલ્સ નં. ૧ સુપીરીયર વિસ્કી પેટી નંગ ૩૫, બોટલ નંગ ૪૨૦ કિ.રૂ. ૧,૬૮,૦૦૦ મળી કિ.રૂ. ૮,૭૮,૪૦૦ નો પ્રોહી. મુદ્દામાલ સહિત કુલ રૂ. ૧૩,૭૮,૯૦૦ નો મળી આવેલ છે. જેમાં એક આરોપી ઘનશ્યામ બલવીર ભુરાનાથ યોગી, ઉ.વ. ૨૧, રહે. વિરાટનગર, જયપુર ને ઝડપી પાડી વધુ તપાસમાં માલ ભરાવનાર અનુજ શર્મા, રહે. દોલતપુરા, જયપુર હોવાનું બહાર આવેલ છે.
આ કામગીરીમાં વાસદ પો.સ્ટે.ના પોસઈ પી.જે.પરમાર તથા હેડકો મહીપાલસિંહ તથા હે.કો. મહેન્દ્રસિંહ તથા આપોકો રાજેન્દ્રસિંહ વિગેરે સ્ટાફના માણસો સાથે રહી વિદેશી દારૂનો ગણનાપાત્ર કેસ શોધી કાઢેલ છે.
- Jignesh Patel, Anand
