મુંબઈ : અભિનેતા શાહરૂખ ખાનની તસવીર ઈન્સ્ટાગ્રામ પર ખૂબ જ વાયરલ થઈ રહી છે, જેમાં શાહરૂખ પોતાના બોડીગાર્ડ સાથે શૂટ માટે જતા જોવા મળે છે. આ દરમિયાન તેને બ્લેક ટી-શર્ટ અને ચશ્મા પહેરેલા જોઈ શકાય છે.
અભિનેતાની આ આ વાયરલ તસવીરને લઈને એવી અટકળો ચાલી રહી છે કે, શાહરૂખ ખાને તેની ફિલ્મ પઠાણ માટે શૂટિંગ કર્યું છે, જ્યારે કેટલાક રિપોર્ટ્સમાં દાવો કરવામાં આવ્યો છે કે તે એક જાહેરાતના શૂટિંગ માટે પહોંચ્યો હતો.
જો કે, આ વિશે હજુ સુધી કોઈ અભિનેતા અથવા ફિલ્મ નિર્માતાઓ તરફથી કોઈ સત્તાવાર માહિતી નથી
જો કે, અભિનેતાનો ફોટો જોયા પછી, તેના ચાહકો ચોક્કસપણે ખુશ થઈ ગયા છે. શાહરૂખે તેની આગામી ફિલ્મો માટે નિર્દેશકોને વિનંતી કરી છે કે, તેમનું શેડ્યૂલ એવું સેટ કરવું જોઈએ કે તેઓ દર અઠવાડિયે મુંબઈ આવી શકે અને આ દરમિયાન બાકીના કલાકારો તેમના પાર્ટનું શૂટિંગ કરી શકે. આ સાથે શાહરૂખ તેના પરિવારને પણ મળી શકશે અને શૂટિંગમાં કોઈ અડચણ નહીં આવે. આ ફિલ્મ પહેલા સ્પેનમાં શૂટ થવાની હતી, પરંતુ આર્યન ખાન ડ્રગના કેસમાં ફસાયા બાદ ઓક્ટોબરમાં મુલતવી રાખવામાં આવી હતી.
આ ફિલ્મમાં શાહરૂખ ઉપરાંત દીપિકા પાદુકોણ અને જોન અબ્રાહમ પણ લીડ રોલમાં જોવા મળશેર્. પઠાણ ઉપરાંત, શાહરૂખ ટૂંક સમયમાં એટલી દ્વારા નિર્દેશિત અનટાઈટલ્ડ ફિલ્મનું શૂટિંગ શરૂ કરશે. આ સિવાય શાહરૂખ સલમાન ખાનની ફિલ્મ ટાઈગર ૩માં કેમિયો કરતો જોવા મળશે.
બોલિવૂડના બાદશાહ શાહરૂખ ખાન જ્યારથી તેનો પુત્ર આર્યન ખાન ડ્રગ્સ કેસમાં ફસાયો હતો ત્યારથી કેમેરાથી દૂર હતો, પરંતુ હવે લગભગ બે મહિના પછી તે સેટ પર પાછો ફર્યો છે. શાહરૂખે બુધવારે મુંબઈમાં પઠાણ ફિલ્મનું શૂટિંગ ફરી શરૂ કર્યું છે, જ્યાંથી તેની તસવીર પણ સામે આવી છે.
Other News : અભિનેત્રી જયા બચ્ચનનો વિડિયો સોશિયલ મિડિયા પર વાયરલ થયો : તે ટ્રોલ થયા