સુરતના લિંબાયત વિસ્તારમાં આવેલ સુમન શાળા નંબર-૫માં ધોરણ ૧૦ના વિદ્યાર્થીનો કોરોના રિપોર્ટ પોઝિટીવ આવતા ચકચાર મચી
જે બાદ પાલિકાએ તાત્કાલીક શાળા બંધ કરાવી દીધી
સુરત : કોરોનાનું સંક્રમણ ઘટતાં પુનઃ શાળાઓ ખોલવામાં આવેલ છે, હવે શિક્ષણ વિભાગ દ્વારા ૯ થી ૧૧ના વર્ગો શરૂ કરવામાં આવ્યા છે. પરંતુ સુરતમાં શાળા શરૂ થતાજ એક વિદ્યાર્થી કોરોના પોઝિટીવ આવ્યો છે. જેના કારણે પાલિકા એકશન મોડમાં આવી ગયું છે. કારણકે આ બનાવને લઈને પાલિકા દ્વારા તુરંત પગલા લેવામાં આવ્યા છે.
પ્રાપ્ત માહિતી અનુસાર, લીંબાયત વિસ્તારમાં આવેલ સુમન શાળા નંબર ૫નો એક વિદ્યાર્થીનો રિપોર્ટ પોઝિટીવ આવ્યો જેના કારણે પાલિકા દ્વારા શાળા બંધ કરાવી દેવામાં આવી છે. શાળા હજુ તો શરૂ થઈ હતી. ત્યાજ વિદ્યાર્થી પોઝિટીવ આવ્યો જેના કારણે તંત્ર દોડતું થઈ ગયું છે. જે વિદ્યાર્થીનો રિપોર્ટ કોરોના પોઝિટીવ આવ્યો છે તે ધોરણ ૧૦નો વિદ્યાર્થી હોવાનું સામે આવ્યું છે. વિદ્યાર્થી કોરોના પોઝિટીવ આવતા સરકારી તેમજ ખાનગી શાળાઓમાં રેપિડ ટેસ્ટ શરૂ કરવામાં આવ્યા. જોકે સુમન શાળા નંબર ૫ના અન્ય વિદ્યાર્થીઓનો રિપોર્ટ નેગેટિવ આવ્યો છે. જેથી સંક્રમણ ફેલાતા પહેલા અટકાઈ ગયું તેમ કહી શકાય છે.
Other news : અધિકારી કામ ન કરે તો કહેજો તેમને ચૌદમું રતન બતાવીશ : મધુ શ્રીવાસ્તવ