Charotar Sandesh
સ્પોર્ટ્સ

IPL ફેઝ-૨ માટે ધોની ચેન્નઈ પહોંચ્યો, સીએસકે ટીમ ૧૩ ઓગસ્ટે યુએઈ રવાના થશે

ઈન્ડિયન પ્રીમિયર લીગ (IPL-2021)

ચેન્નઈ : ચેન્નાઈ સુપર કિંગ્સ (CSK) ના ’કેપ્ટન કૂલ’ મહેન્દ્ર સિંહ ધોની ઈન્ડિયન પ્રીમિયર લીગ (IPL-2021) ના બીજા તબક્કાની તૈયારી માટે મંગળવારે ચેન્નઈ પહોંચ્યા છે. અહીંથી ધોની ટીમના બાકીના સભ્યો સાથે યુએઈ જશે જ્યાં ઈન્ડિયન પ્રીમિયર લીગ (IPL-2021) ની આ બીજા તબક્કાની મેચ ૧૯ સપ્ટેમ્બરથી ૧૫ ઓક્ટોબર દરમિયાન રમાવાની છે. સીએસકેના એક અધિકારીએ જણાવ્યું, ટીમના ભારતીય ખેલાડીઓ ૧૩ ઓગસ્ટના રોજ યુએઈ માટે રવાના થઈ શકે છે.

ચેન્નાઈ સુપર કિંગ્સ (CSK) ના ચાહકોએ સો.મીડિયા પર ધોનીના ચેન્નાઈ આગમનની ઉજવણી કરી હતી

ટીમ ઈન્ડિયાના સૌથી સફળ કેપ્ટનોમાંથી એક મહેન્દ્ર સિંહ ધોની ચેન્નાઈ પહોંચ્યો ત્યારે સીએસકેએ ટ્‌વીટ કરીને આ અંગે માહિતી આપી હતી. તેના ટ્‌વીટમાં ટીમે ધોનીના ફોટો સાથે લખ્યું, “સિંહ દિવસની એન્ટ્રી.” ધોનીની સાથે તેની પત્ની સાક્ષી અને પુત્રી જીવા પણ ચેન્નઈ પહોંચી ગયા છે. ઈન્ડિયન પ્રીમિયર લીગ (IPL-2021) ના બીજા તબક્કાની પ્રથમ મેચ ૧૯ સપ્ટેમ્બરે મુંબઈ ઇન્ડિયન્સ અને સીએસકે વચ્ચે રમાવાની છે.

ચેન્નાઈ સુપર કિંગ્સ (CSK) ના સીઇઓ કે.એસ વિશ્વનાથને કહ્યું, “ભારતીય ખેલાડીઓ કે જેઓ જવા માટે સંપૂર્ણ રીતે તૈયાર છે તેઓ ૧૩ ઓગસ્ટે યુએઈ માટે રવાના થઈ શકે છે.” વળી, વિશ્વનાથને કહ્યું કે યુએઈ જતા પહેલા ચેન્નઈમાં ટીમ કેમ્પ ગોઠવવામાં આવ્યો નથી.

આઈપીએલ ૨૦૨૧ના બીજા તબક્કામાં ધોનીની આગેવાનીવાળી સીએસકે ટીમ ૧૯ સપ્ટેમ્બરે મુંબઈ ઈન્ડિયન્સ સામે પોતાનું અભિયાન શરૂ કરશે. કોરોના કેસને કારણે લીગ સ્થગિત થયા પહેલા સીએસકેની ટીમ સાત મેચમાંથી ૧૦ પોઈન્ટ સાથે પોઈન્ટ ટેબલ પર બીજા સ્થાને હતી.

આ વર્ષે મે મહિનામાં કોરોનાની બીજી લહેર દરમિયાન, ખેલાડીઓ અને સપોર્ટ સ્ટાફમાં ચેપના કેસ મળ્યા બાદ ભારતમાં રમાઈ રહેલી આઈપીએલ મુલતવી રાખવામાં આવી હતી.

Other News : મારા જીવન પર ફિલ્મ બને તો અક્ષયકુમાર અથવા રણદીપ હુડાને અભિનેતા તરીકે જોવા માંગુ : નીરજ ચોપડા

Related posts

ઓલિમ્પિક બાદ ટોક્યોમાં વધ્યા કોરોનાના કેસ, કુલ ૨૮૪૮ સંક્રમિત નોંધાયા

Charotar Sandesh

માહીએ હજુ સુધી નિવૃત્તિનો પ્લાન બતાવ્યો નથી : એમએસકે પ્રસાદ

Charotar Sandesh

હું ફક્ત ધોની ઉપર આધારિત નથી : કુલદિપ યાદવ

Charotar Sandesh