ગંગા સ્વરૂપા પુન: લગ્ન આર્થિક સહાય યોજના હેઠળ જિલ્લાની બે બહેનોને રૂા. એક લાખની સહાય ચૂકવવામાં આવી
આણંદ : રાજયની ગંગા સ્વરૂપા બહેનો આર્થિક રીતે સ્વાવલંબન બને તે હેતુસર કમિશનર મહિલા અને બાળ વિકાસ વિભાગ, ગાંધીનગર દ્વારા રાજયની ગંગા સ્વરૂપા બહેનો માટે માસિક રૂા. ૧,૨૫૦/-ની આર્થિક સહાય યોજના અમલમાં મૂકવામાં આવી છે.
આ યોજના અંતર્ગત આણંદની જિલ્લા મહિલા અને બાળ કલ્યાણ અધિકારીની કચેરી દ્વારા આણંદ જિલ્લામાં નવેમ્બર અને ડિસેમ્બર-૨૦૨૧ એમ બે મહિનામાં કુલ-૬૩,૩૩૨ ગંગા સ્વરૂપા બહેનો (વિધવા બહેનો) ને માસિક રૂા. ૧,૨૫૦/- લેખે તમામ લાભાર્થીઓને સહાયની રકમ રૂા. ૭,૯૧,૬૫,૦૦૦/- અને ૯,૯૨,૨૧,૨૫૦/- એરિયર્સ તરીકે જે આગળની સહાય મળવાની બાકી હોય.
તે સહિત આ તમામ ગંગા સ્વરૂપા બહેનોને ડી.બી.ટી. (ડાયરેકટ બેનીફીટ ટ્રાન્સફર) મારફત સીધા તેમના ખાતામાં કુલ રૂા. ૧૭,૮૩,૮૬,૨૫૦/- સીધા જમા કરાવવામાં આવ્યું હોવાનું તેમજ રાજય સરકાર દ્વારા અમલમાં મૂકવામાં આવેલ ગંગા સ્વરૂપા પુન:લગ્ન આર્થિક સહાય યોજના અંતર્ગત જિલ્લાની બે મહિલા લાભાર્થીઓને રૂા. ૫૦,૦૦૦/- રોકડ અને રૂા. ૫૦,૦૦૦/- રાષ્ટ્રીય બચત પત્ર એમ મળીને કુલ રૂા. એક લાખ સહાયની રકમ ચૂકવવામાં આવેલ હોવાનું આણંદના મહિલા અને બાળ વિકાસ અધિકારીએ એક યાદી દ્વારા જણાવ્યું છે.
Other News : આણંદ શહેર સહિત સમગ્ર જિલ્લામાં ૧૫ થી ૧૮ વર્ષના કિશોરો માટે કોરોના રસીકરણનો પ્રારંભ
