કોરોના સુપરફાસ્ટ ગતિએ : દર મિનિટે સરેરાશ ૩ લોકો થઇ રહ્યાં છે સંક્રમિત, રેકોર્ડ ૩૧૬૦ કેસ…
આણંદ : રાજ્યમાં કોરોના બ્લાસ્ટ થયો હોય તેમ આજે રેકોર્ડ બ્રેક કેસો નોંધાયા છે. સંક્રમણ ઓલ ટાઈમ હાઈ રહ્યું છે. એક જ દિવસમાં ૩૧૦૦થી વધુ કેસ સામે આવ્યા છે. એક્ટિવ કેસ ૧૬૦૦૦ને પાર થયા છે તો કુલ સંક્રમિતોની સંખ્યા ૩.૨૧ લાખે પહોંચી ગઈ છે. રિકવરી રેટ ઘટીને ૯૩.૫૨ ટકા જેટલો થઈ ગયો છે.
રાજ્યમાં કોરોનાના કેસો ઘટવાનું નામ નથી લઇ રહ્યાં, ત્યારે રાજ્યમાં આજ રોજ વધુ ૩૧૬૦ નવા કોરોનાના કેસો નોંધાયા છે તો બીજી બાજુ ૨૦૨૮ દર્દીઓ સાજા થયા છે. એટલે કે, અત્યાર સુધીમાં કુલ ૩,૦૦,૭૬૫ દર્દીઓ કોરોનાને માત આપી ચુક્યાં છે.