આણંદ : રાજ્યમાં કોરોના સંક્રમણ સ્થિતિ બેકાબુ થતા સરકાર દ્વારા હાઇકોર્ટના નિર્દેશના પગલે રાજ્યના ૨૦ શહેરોમાં રાત્રી કરફ્યુ જાહેર કરાયો છે. જોકે આણંદ કલેકટર દ્વારા આણંદ સાથે સીધા જ જોડાઈ ગયેલ વિદ્યાનગર અને કરમસદમાં પણ રાત્રે ૮ થી સવારે ૬ વાગ્યા સુધીના કરફ્યુનું જાહેરનામું બહાર પાડી કોરોના સંક્રમણની સાંકળ તોડવા સખ્ત પ્રયત્નો આદર્યા છે. આણંદ અને વિદ્યાનગર પાલિકા સત્તાધીશો દ્વારા કરફ્યુના સમય બપોર થી કરવાની જાહેરાતને લઈ લોકઆક્રોશ વધ્યો હતો. જેમાં વિદ્યાનગર પાલિકાએ નાના અને મોટા વેપારીઓ પોતાનો રોષ વ્યકત કરી પાલિકાના નિર્ણય વિરૂધ્ધ અવાજ ઉઠાવ્યો હતો.
જેમાં આજરોજ વિદ્યાનગર નગરપાલિકા દ્વારા વેપારીઓની રજુઆત સાંભળી તેઓને આર્થિક નુકસાન થાય નહી અને વેપાર ધંધા થાય તે માટે લોકડાઉનનો સમય ઘટાડીને સાંજના ૬ થી સવારના ૬ કરવામાં આવ્યો છે. અને આજથી સ્વૈચ્છિક લોકડાઉનનો સમય સાંજના ૬ થી સવારના ૬ કરાયા છે. જેથી હવે વેપારીઓ સવારે ૬ થી સાંજના ૬ દરમિયાન પોતાના વેપાર ધંધા ચાલુ રાખી શકશે.
