આણંદ : શહેરમાં છેલ્લા દિવસો દરમ્યાન સાર્વત્રિક વરસાદ વરસ્યો છે, જેને લઈ શહેરના મુખ્ય માર્ગો ઉપર પુનઃ ખાડાઓ પડ્યા છે. આ અગાઉ નગરપાલિકા (anand nagarpalika) ના પ્રમુખ રૂપલબેન તેમજ રોડ કમિટીના ચેરમેન કેતન બારોટ દ્વારા સ્થળ મુલાકાત લઈ ખાડા પૂરવાની કવાયત શરૂ કરવામાં આવી હતી, પરંતુ દેખાડો કરવા રસ્તાઓ ઉપર પુરેલું છારૂ સામાન્ય વરસાદમાં ધોવાઈ જતાં પુનઃ ખાડાઓ પડતાં વાહનચાલકો હેરાન-પરેશાન થયા છે.
મળતી માહિતી મુજબ પાલિકા (anand nagarpalika) દ્વારા જાહેર કરાયેલ હેલ્પલાઈન ઉપર ૭૦ જેટલી ફરિયાદો મળતાં તાત્કાલિક રસ્તાઓ ઉપર ખાડાઓનું પુરાણ કરાયુ હતું, જે બાદ કામચલાઉ મરામતની કામગીરીને લઈ કેટલીક જગ્યાએ છારુ ધોવાઈ જતાં પુનઃ ખાડાઓની સ્થિતી સર્જાઈ છે.
ડામરનો પ્લાન્ટ શરૂ કરી શહેરના તમામ રસ્તાઓ ઉપર નવીનીકરણની કામગીરી હાથ ધરાશે : કેતન બારોટ
આ બાબતે રોડ કમિટીના ચેરમેન કેતન બારોટે જણાવેલ કે, વરસાદ બંધ થશે એટલે ડામરનો પ્લાન્ટ શરૂ કરી શહેરના તમામ રસ્તાઓ ઉપર નવીનીકરણની કામગીરી હાથ ધરાશે, જેથી શહેરીજનોને પડતી પરેશાનીનો અંત આવી જશે.
Other News : આણંદ જિલ્લા વિશ્ર્વ હિન્દુ પરિષદ દ્વારા પૂ. સંતોનો પૂજન અર્ચન તેમજ સેવાવસ્તીમાં રક્ષાબંધનનો કાર્યક્રમ યોજાયો