કોરોના કેસ ઘટતા અને બૂસ્ટર ડોઝ ઝુંબેશ શરૂ
બ્રિટન : હવે બ્રિટનમાં ૧૨ વર્ષથી વધુ ઉંમરના લગભગ ૮૪ ટકા લોકોએ રસીનો બીજો ડોઝ મેળવ્યો છે અને જેઓ પાત્ર છે તેમાંથી ૮૧ ટકા લોકોએ તેમનો બૂસ્ટર ડોઝ લીધો છે. હોસ્પિટલમાં દાખલ થવાના કેસો અને આઈસીયુમાં લોકોની સંખ્યા ઘટી છે અને નવા વર્ષની શરૂઆતની આસપાસ જ્યાં દૈનિક કેસ એક દિવસમાં ૨,૦૦,૦૦૦ થી વધુ આવતા હતા, તાજેતરના દિવસોની તુલનામાં તે ઘટીને ઓછા થઈ ગયા છે.
વડા પ્રધાન બોરિસ જ્હોન્સને ગયા અઠવાડિયે કહ્યું હતું કે ઓમિક્રોનથી ચેપના કેસોમાં વધારો હવે તેની રાષ્ટ્રીય ટોચ પર છે.
સરકારે કાયદાકીય પગલાં હળવા કર્યા છે, પરંતુ કેટલાક દુકાનદારો અને જાહેર પરિવહન સંચાલકો કહે છે કે તેઓ લોકોને ફેસ માસ્ક પહેરવાનું કહેતા રહેશે.
લંડનના મેયર સાદિક ખાને કહ્યું કે, રાજધાનીની બસો અને મેટ્રો ટ્રેનોમાં હજુ પણ માસ્ક પહેરવું જરૂરી રહેશે. ચેપગ્રસ્ત લોકો માટે સંપૂર્ણ પાંચ દિવસ ક્વોરેન્ટાઇનમાં રહેવું કાયદાકીય રીતે જરૂરી છે, પરંતુ જોન્સને કહ્યું કે આ નિયમ પણ ટૂંક સમયમાં સમાપ્ત થશે.
બ્રિટન સરકારે કહ્યું કે, માસ્ક પહેરવા ફરજિયાત સહિત મોટાભાગના કોવિડ પ્રતિબંધો હટાવી લેવામાં આવ્યા છે. સરકારનું કહેવું છે કે, બૂસ્ટર ડોઝ આપવાનો ઝુંબેશ શરૂ થયા બાદ રોગની ગંભીરતા અને કોવિડ-૧૯ને કારણે હોસ્પિટલમાં દાખલ લોકોની સંખ્યામાં ઘટાડો થયો છે. ગુરુવાર સુધી ઇંગ્લેન્ડમાં ક્યાંય પણ માસ્ક કાયદેસર નથી, અને નાઇટક્લબો અને અન્ય મોટા સ્થળોમાં પ્રવેશવા માટે કોવિડ પાસ માટેની કાનૂની આવશ્યકતા પણ નાબૂદ કરવામાં આવી છે. સરકારે ગયા અઠવાડિયે લોકોને ઘરેથી કામ કરવાની સલાહ આપવાની સાથે વર્ગમાં માસ્ક પહેરવા અંગેની તેની માર્ગદર્શિકા પાછી ખેંચી લીધી હતી.
Other News : વેક્સિનેશન પુરજોશમાં : ભારતમાં ફૂલ્લી વેક્સિનેટેડની સંખ્યા ૬૮ કરોડને પાર થઈ